Advertisements

Untitled Document

Untitled Document

గ్యాస్ సిలిండర్ పేలి క్రికెటర్ భార్యకి గాయాలు...

     Written by : smtv Desk | Mon, Mar 30, 2020, 04:45 PM

గ్యాస్ సిలిండర్ పేలి క్రికెటర్ భార్యకి గాయాలు...

గ్యాస్ సిలిండర్ పేలి బంగ్లాదేశ్ క్రికెటర్ లిట్టన్ దాస్ భార్యకి తీవ్ర గాయాలైన విషయం ఆలస్యంగా వెలుగులోకి వచ్చింది. గత శుక్రవారం వంట గదిలో టీ పెడుతుండగా.. సిలిండర్ పేలడంతో దాస్ భార్య సంచిత చేతులు, శరీరానికి తీవ్ర గాయాలయ్యాయి. బంగ్లాదేశ్‌లో కరోనా వైరస్ కట్టడి కోసం క్రికెటర్లతో పాటు లిట్టన్ దాస్ కూడా ఇటీవల తన సగం జీతాన్ని విరాళంగా ఇచ్చిన విషయం తెలిసిందే. 2019 వన్డే ప్రపంచకప్ ముగిసిన తర్వాత సంచితని లిట్టన్ దాస్ వివాహం చేసుకున్నాడు. సిలిండర్‌కి రంధ్రం పడి ఉండంతో గ్యాస్ లీకైందని వెల్లడించిన లిట్టన్ దాస్ కుటుంబ సభ్యులు.. పేలుడు సమయంలో సంచిత తన చేతుల్ని ముఖానికి అడ్డుపెట్టడంతో పెద్ద ప్రమాదం తప్పిందని వెల్లడించారు. అయితే.. పేలుడు కారణంగా ఆమె జట్టు చాలా వరకూ కాలిపోయిందని.. శరీరంపైనా అక్కడక్కడ గాయాలైనట్లు తెలిపారు. ప్రమాదంపై సంచిత తాజాగా మాట్లాడుతూ ‘‘ఆ ప్రమాదం గురించి చెప్పడానికి నాకు మాటలు రావడం లేదు. చావుకి చాలా దగ్గరగా వెళ్లినట్లు అనిపించింది. నా చేతులతో ముఖాన్ని కవర్ చేసుకోకుండా ఉండింటే..? నా ముఖం మొత్తం కాలిపోయేది. నిప్పు అంటుకుని ఉండటంతో.. నా హెయిర్‌ని కూడా కట్ చేయాలని వైద్యులు తెలిపారు’’ అని వెల్లడించింది.




Untitled Document
Advertisements