తక్కువ బడ్జెట్ లో మరో స్మార్ట్ ఫోన్ ని లాంచ్ చేసిన హానర్

హానర్ మరో బడ్జెట్ స్మార్ట్ ఫోన్ ను చైనాలో లాంచ్ చేసింది. అదే హానర్ ప్లే 9ఏ. ఈ స్మార్ట్ ఫోన్ లో 5000 ఎంఏహెచ్ బ్యాటరీని అందించారు. దీని బ్యాటరీ ఒక్కసారి పూర్తిగా చార్జింగ్ పెడితే మూడు రోజుల పాటు వస్తుందని హానర్ తెలిపింది. వెనకవైపు డ్యూయల్ కెమెరా సెటప్, వాటర్ డ్రాప్ నాచ్ డిస్ ప్లే ఫీచర్లను ఇందులో అందించారు. మీడియాటెక్ హీలియో ప్రాసెసర్ తో లాంచ్ అయిన ఈ ఫోన్ లో రెండు స్టోరేజ్ వేరియంట్లు అందుబాటులో ఉన్నాయి. ఈ రెండిట్లో ర్యామ్ ఒకే విధంగా ఉండనుంది. హానర్ ప్లే 9ఏ స్మార్ట్ ఫోన్ మూడు రంగుల్లో అందుబాటులో ఉంది. ధర విషయానికి వస్తే.. ఇందులో రెండు వేరియంట్లు అందుబాటులో ఉన్నాయి. ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధరను 899 యువాన్లుగా(సుమారు రూ.9,500) నిర్ణయించారు. 4 జీబీ ర్యామ్ + 128 జీబీ స్టోరేజ్ వేరియంట్ ధరను 1,199 యువాన్లుగా(సుమారు రూ.12,700) ఉంది. నైట్ బ్లాక్, బ్లూ వాటర్ ఎమరాల్డ్, జాస్పర్ గ్రీన్ రంగుల్లో ఇది అందుబాటులో ఉండనుంది. దీనికి సంబంధించిన ప్రీఆర్డర్లు ఇప్పటికే ప్రారంభం అయ్యాయి. ఏప్రిల్ 6వ తేదీ వరకు ఈ ప్రీఆర్డర్లు తీసుకోనున్నారు. పూర్తి చెల్లింపును ఏప్రిల్ 7, 8 తేదీల్లో పూర్తి చేయాలి. ఫోన్ షిప్పింగ్ ఏప్రిల్ 7వ తేదీ నుంచి ప్రారంభం కానుంది. ఈ ఫోన్ మనదేశంలో ఎప్పుడు లాంచ్ కానుందనే విషయం ఇప్పటివరకు తెలియరాలేదు. ఇందులో 6.3 అంగుళాల హెచ్ డీ+ డిస్ ప్లేను అందించారు. ఆక్టాకోర్ మీడియాటెక్ హీలియో పీ35 ప్రాసెసర్ పై ఈ ఫోన్ పనిచేయనుంది. ఫోన్ మరింత వేగంగా పనిచేయడానికి 4 జీబీ ర్యామ్ ను ఇందులో అందించారు. ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగా పిక్సెల్ కాగా, మరో 2 మెగా పిక్సెల్ డెప్త్ సెన్సార్ ను అందించారు. ముందువైపు 8 మెగా పిక్సెల్ కెమెరాను అందించారు. 64 జీబీ, 128 జీబీ స్టోరేజ్ వేరియంట్లలో ఈ ఫోన్ లభించనుంది. మైక్రో ఎస్ డీ కార్డు ద్వారా దీన్ని 512 జీబీ వరకు పెంచుకోవచ్చు. ఇక కనెక్టివిటీ ఫీచర్ల విషయానికి వస్తే ఇందులో వైఫై, బ్లూటూత్, జీపీఎస్/ఏ-జీపీఎస్, 3.5 ఎంఎం హెడ్ ఫోన్ జాక్, మైక్రో యూఎస్ బీ పోర్టులను ఇందులో అందించారు. వెనకవైపు ఫింగర్ ప్రింట్ సెన్సార్ కూడా అందుబాటులో ఉంది. ఇందులో 5000 ఎంఏహెచ్ బ్యాటరీని అందించారు. 10W ఫాస్ట్ చార్జింగ్ ను ఇది సపోర్ట్ చేయనుంది. యాంబియెంట్ లైట్ సెన్సార్, కంపాస్, ప్రాక్సిమిటీ సెన్సార్ లు ఇందులో ఉన్నాయి. దీని బరువు 185 గ్రాములుగా ఉంది.