కరోనా రోగి నుంచి 8 మీటర్ల వరకు వైరస్ ప్రభావం...తస్మాత్ జాగ్రత్త

Written by : smtv Desk | Wed, Apr 01, 2020, 04:06 PM

కరోనా వైరస్‌ వ్యాప్తిని అరికట్టడానికి స్వీయ నిర్బంధంతోపాటు సామాజిక దూరం పాటించాలని నిపుణులు సూచిస్తున్న విషయం తెలిసిందే. ఇందుకు ప్రపంచ ఆరోగ్య సంస్థ, యుఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) భౌతిక దూర మార్గదర్శకాలు నిర్దేశించింది. అయితే, డబ్ల్యూహెచ్ఓ, సీడీసీ నిర్దేశించిన దూరం వైరస్ వ్యాప్తిని అరికట్టడానికి సరిపోవని ఒక పరిశోధనలో వెల్లడయ్యింది. కరోనా బాధితుడి దగ్గినప్పుడు లేదా తుమ్మినప్పుడు వెలువడే వైరస్ కణాలు గాలిలో 8 మీటర్ల వరకు ప్రయాణించగలవని నిర్ధారణ అయ్యింది. ఈ వివరాలను అమెరికన్ మెడికల్ అసోసియేషన్ జర్నల్‌లో ప్రచురించారు.

కరోనా వైరస్ వ్యాధిగ్రస్తుడి నుంచి వెలువడిన హానికారక క్రిములు 23 నుంచి 27 అడుగులు లేదా 7 నుంచి 8 మీటర్ల ప్రయాణిస్తాయని పరిశోధనల్ో పాల్గొన్న ఎంఐటీ యూనివర్సిటీకి చెందిన అసోసియేట్ ప్రొఫెసర్ లిదియా బౌర్బియా వెల్లడించారు. ప్రస్తుత మార్గదర్శకాలు బాధితుడి నుంచి వెలువడిన బిందువుల పరిమాణంపై ఆధారపడి ఉంటాయని, మహమ్మారికి వ్యతిరేకంగా ప్రతిపాదిత ప్రభావాన్ని పరిమితం చేయడానికి సహకరిస్తాయని తెలిపారు.

పాత మార్గదర్శకాలలో రెండు వర్గాలలో ఒకటిగా భావించాయని, ఒక వ్యక్తి ఊపిరి పీల్చుకున్నప్పుడు, దగ్గినప్పుడు లేదా తుమ్మినప్పుడు స్వల్ప-శ్రేణి సెమీ బాలిస్టిక్ పథాలను తీసుకుంటారని ఆమె వివరించారు. తుమ్మినప్పుడు, దగ్గినప్పుడు వ్యాధిగ్రస్తుల నుంచి వచ్చే వైరస్ కణాలు వేగంగా గాలిలోకి చేరి, దాని లోపల విస్తృత పరిమాణంలో బిందువుల సమూహాలను రవాణా చేస్తాయని అన్నారు.

అంతేకాదు, దట్టమైన మేఘాలలోకి చేరిన వైరస్ కణాలు పరిసర గాలిలోని బిందువులకు తేమ, వెచ్చదనాన్ని అందించి బయటి వాతావరణంలో బాష్పీభవనం చెందకుండా నిరోధించగలదని బౌర్బియా హెచ్చరించారు. తేమ, వెచ్చని వాతావరణం కలిగిన బిందువులు ఎక్కువ కాలం బాష్పీభవనం నుంచి తప్పించుకోవడానికి దట్టమైన మేఘాలు సహకరిస్తాయని తెలియజేశారు. ఈ పరిస్థితులలో వైరస్ తన జీవితకాలాన్ని గణనీయంగా పెంచుకుంటుందని, ఇది సెకను నుంచి నిమిషానికి అంటే 1000 రెట్లు పెరుగుతుందని తెలిపారు.