కరోనా వైరస్ కోసం ప్రధాని ఇచ్చిన పిలుపుతో పెద్ద ఎత్తున విరాళాలు వస్తున్నాయి. చిన్నారుల నుంచి సినీ తారల వరకు అంతా పీఎం కేర్స్ ఫండ్కు విరాళాలు అందిస్తున్నారు. ఇప్పటికే టాలీవుడ్, బాలీవుడ్, క్రికెట్ ప్లేయర్ తమవంతు సాయంగా విరాళాలు ప్రకటించారు. తాజాగా బాలీవుడ్ జంట దీపికా, రణ్వీర్ పీఎం కేర్స్ ఫండ్కు విరాళం అందిస్తున్నట్లుగా తెలిపారు. ‘ఇలాంటి సమయంలో ప్రతి చిన్న సహాయం కూడా ఉపయోగపడుతుంది. పీఎం కేర్స్ ఫండ్కు తమ వంతు సాయం చేస్తామని ప్రతిజ్ఞ చేస్తున్నాం. మీరు కూడా చేస్తారని ఆశిస్తున్నాం. ఇప్పుడు మనమంతా ఐకమత్యంగా ఉన్నాం. ఈ పరిస్థితి నుంచి తప్పకుండా బయటపడతాం. జైహింద్. ’ అని దీపిక రణ్వీర్ ట్వీట్ చేశారు. అయితే తాము ఎంత విరాళం ఇస్తున్నామనే విషయాన్ని మాత్రం ఈ హాట్ కఫుల్ బయటకు చెప్పలేదు.
mdash; Ranveer Singh (@RanveerOfficial) April 4, 2020