వైరస్‌పై పోరాడుతున్నవారికి సంఘీభావంగా క్రికెటర్ త్యాగం

Written by : smtv Desk | Sun, Apr 05, 2020, 04:47 PM

కరోనా వైరస్ మహామ్మారి ప్రపంచవ్యాప్తంగా విస్తరిస్తున్న సంగతి తెలిసిందే. వైర‌స్‌ వ్యాప్తిని అడ్డుకునేందుకు గాను ప్రపంచంలోని చాలా దేశాలలో లాక్ డౌన్ విధిస్తున్న సంగతి తెలిసిందే. తాజాగా శ్రీలంక లో వైరస్ ఉద్ధృతి కొనసాగుతున్న వేళ ఆదేశాన్నిస్తంభింపజేశారు. ఈ నేపథ్యంలో శ్రీలంక క్రికెటర్ దినేష్ చండీమాల్ ఈ వైరస్‌పై పోరాడుతున్న ఆర్మీ, పోలీసులు, వైద్య సిబ్బంది, పారామెడికల్ సిబ్బంది సేవలకు సంఘీభావంగా త‌న పొడ‌వాటి జుట్టును త్యాగం చేశాడు.

చండీమాల్ నిజానికి క్రికెటరే గాకుండా సైన్యంలోనూ పని చేస్తున్న సంగతి తెలిసిందే. రెండు కారణాల రీత్యా తాను తన పొడవాటి జుట్టును కట్ చేసుకున్నట్లు అత‌ను తెలిపాడు. సైన్యంలో పని చేయడంతో పాటు వైరస్‌పై పోరాడుతున్న వారికి సంఘీభావం తెలిపేందుకు ఈ ప‌ని చేసినట్లు తెలిపాడు. మరోవైపు లాక్‌డౌన్ కొన‌సాగుతున్న వేళ‌ ఇటీవలే భారత కెప్టెన్ విరాట్ కోహ్లీకి అతని భార్య సినీ నటి అనుష్క శర్మ ఇంట్లోనే కటింగ్ చేసిన సంగతి తెలిసిందే.

ఇక క‌రోనా మ‌హ‌మ్మారి ప్రపంచవ్యాప్తంగా విస్తరిస్తున్న సంగతి విదితమే. ఇప్పటికే 12 లక్షలకు పైగా క‌రోనా పాజిటివ్ కేసులు వెలుగు చూశాయి. దాదాపు 65 వేల మంది ఈ మహమ్మారికి బలయ్యారు. ఇక శ్రీలంకలో 167 పాజిటివ్ కేసులు న‌మోద‌య్యాయి. ఐదు మంది ప్రాణాలు కోల్పోయారు.