యువ పేస‌ర్ బౌలింగ్ ...వీవీఎస్ ల‌క్ష్మ‌ణ్ ఫిదా

     Written by : smtv Desk | Mon, May 25, 2020, 07:10 PM

యువ పేస‌ర్ బౌలింగ్ ...వీవీఎస్ ల‌క్ష్మ‌ణ్ ఫిదా

అంగ‌వైకల్యంతో బాధ ప‌డుతున్నాగానీ, ప‌ట్టుద‌ల‌తో బౌలింగ్ చేసిన ఒక చిన్నారి బౌల‌ర్‌ను చూసి భార‌త మాజీ బ్యాట్స్‌మ‌న్ వివీఎస్ ల‌క్ష్మ‌ణ్ అబ్బుర‌ప‌డిపోయాడు. రెండు చేతులు స‌రిగా ప‌నిచేయ‌కున్న ఒక ఔత్సాహిక బౌల‌ర్‌.. నెట్లో బౌలింగ్ చేస్తున్న వీడియోను తాజాగా షేర్ చేసిన వీవీఎస్.. అత‌నికి సెల్యూట్ కొట్టాడు. ఎలాంటి ప‌రిస్థితులు ఎదురైన‌ప్ప‌టికీ మాన‌వుల్లోని సాధించాల‌నే త‌ప‌న‌ను అంతం చేయ‌లేవ‌ని, ఈ ప్లేయ‌ర్ స్పిరిట్‌కు తాను సెల్యూట్ చేస్తున్న‌ట్లు వీవీఎస్ కామెంట్ చేశాడు. మ‌రోవైపు ఇటీవ‌లే ప్ర‌మాద‌క‌ర క‌రోనా వైర‌స్ బారిన ప‌డిన కూడా చ‌లించ‌కుండా, త‌న విద్యార్థుల‌కు ఆన్‌లైన్‌లో పాఠాలు బోధిస్తున్న ఓ టీచ‌ర్ ప‌ట్టుద‌ల‌ను చూసి భార‌త మాజీ క్రికెట‌ర్ వీవీఎస్ ల‌క్ష్మ‌ణ్ ఫ్లాట్ అయిన సంగతి తెలిసిందే. ఆయ‌న కృష్టి, ప‌ట్టుద‌ల ఎంతో మందికి స్ఫూర్తినిస్తుంద‌ని కొనియాడాడు. కేంద్ర‌పాలిత‌ప్రాంతం లడ‌ఖ్‌లోని లేహ్‌కు చెందిన కైఫాయ‌త్ హుస్సేన్.. ఆన్‌లైన్‌లో విద్యార్థుల‌కు పాఠాలు బోధిస్తాడు. అయితే ఇటీవ‌ల క‌రోనా సోక‌డంతో అత‌డిని ఐసోలేష‌న్ వార్డుకు త‌ర‌లించారు. అయితే ఆ వార్డు నుంచే త‌న విద్యార్థుల‌కు పాఠాలు బోధించ‌డం ప్రారంభించాడు. ఆయ‌న‌పై ప్ర‌శంస‌లు కురిపిస్తూ, సోష‌ల్ మీడియాలో ల‌క్ష్మ‌ణ్ పోస్ట్ చేశాడు.






Untitled Document
Advertisements