ఆర్జీవీ ‘కరోనా వైరస్’....రేపే ట్రైలర్!

Written by : smtv Desk | Mon, May 25, 2020, 07:57 PM

ప్రముఖ దర్శకుడు రాం గోపాల్ వర్మ కరోనా వైరస్‌పై సినిమా తీసేశారు. ఆ సినిమాకు ‘కరోనా వైరస్’ అని టైటిల్ పెట్టారు. సినిమా మొత్తాన్ని లాక్‌డౌన్ పీరియడ్‌లోనే షూట్ చేసినట్టు వర్మ తెలిపారు. ట్రైలర్‌ను కూడా విడుదల చేస్తున్నారు. ఈ మేరకు ఆయన సోమవారం ట్విట్టర్ ద్వారా వెల్లడించారు. ‘‘కరోనా వైరస్ పేరిట ఫీచర్ ఫిల్మ్ చేశాను. ఈ సినిమా మొత్తాన్ని లాక్‌డౌన్ పీరియడ్‌లో షూట్ చేశాం. ఇది కరోనా వైరస్ సబ్జెక్ట్ మీద తీసిన ప్రపంచంలోనే మొట్టమొదటి సినిమా కానుంది. మా నటీనటులు, ఇతర సిబ్బంది తమ క్రియేటివిటీని నిరూపించుకున్నారు. లాక్‌డౌన్‌లో ఉన్నా వాళ్లు మాత్రం లాక్డ్ డౌన్ కాలేదు. రేపు 26న సాయంత్రం 5 గంటలకు ట్రైలర్‌ను విడుదల చేస్తున్నాం’’ అని వర్మ ట్వీట్‌లో పేర్కొన్నారు. ఇదిలా ఉంటే, ఈ లాక్‌డౌన్ సమయంలో ఇప్పటికే వర్మ ఒక షార్ట్ ఫిల్మ్‌ను విడుదల చేశారు. ‘క్లైమాక్స్’ పేరుతో తీసిన ఈ షార్ట్ ఫిల్మ్‌లో పోర్న్ స్టార్ మిమా మాల్కోవా ప్రధాన పాత్ర పోషించింది. ట్రైలర్‌తో పిచ్చెక్కించిన వర్మ ఈ షార్ట్ ఫిల్మ్‌ను కూడా విడుదల చేశారు. శ్రేయాస్ ఈటీ సమర్పణలో ఈ ఫిల్మ్‌ను నిర్మించారు. ఇప్పుడు ‘కరోనా వైరస్’ సినిమాను కూడా శ్రేయాస్ ఈటీ సమర్పిస్తోంది. బహుశా ఈ చిత్రాన్ని డిజిటల్‌లోనే విడుదల చేసే అవకాశం ఉంది.

MADE a feature film called “CORONAVIRUS” it is shot entirely during LOCKDOWN Period. It will be WORLD’S FIRST FILM ON Coronavirus subject..Our actors and crew proved CREATIVITY cannot be LOCKED DOWN even in LOCKDOWN Trailer tmrw 26th 5 PM #CORONAVIRUSFILM @shreyaset
mdash; Ram Gopal Varma (@RGVzoomin) May 25, 2020