టమాటతో గుండె సమస్యలు?

రోజూ మనం ఏదో ఓ రకంగా టమాటని తీసుకుంటాం. ఏదో ఓ కూరలో వేస్తుంటాం. ఓ రకంగా చెప్పాలంటే ఇది లేకుండా కూరని చేసుకోం. చారు, పచ్చడి, కూర, సలాడ్స్, జ్యూస్ ఇలా చేసుకుంటాం. వాటి రుచిని ఆస్వాదిస్తుంటాం. ఇది కేవలం ఆకలి తీర్చడానికే కాదు. దీని వల్ల హెల్త్ బెనిఫిట్స్ ఉన్నాయి. ఇవి మన శరీరానికి, అందానికి ఇలా అనేక రకాలుగా ఉపయోగపడుతుంది.
చూసేందుకు ఎర్రగా నిగనిగలాడుతూ నోరూరించే టమాటాల్లో ఎన్నో అద్భుతగుణాలు ఉన్నాయి.. ఇందులో యాంటీ ఆక్సిడెంట్స్ పుష్కలంగా ఉంటాయి. వీటిని తినడం వల్ల రోగ నిరోధక శక్తి పెరుగుతుంది. వీటిని వండుకుని తినడం కంటే పచ్చిగా తినడం బెటర్. దీని వల్ల బాడీకి కూడా అనేక పోషకాలు అందుతాయి. ఇందులోని లైకోపీన్, బీటా కెరోటిన్ శరీరానికి మేలు చేస్తుంది. అదే విధంగా, జలుబు, ఫ్లూకి టమాటాలు వ్యతిరేకంగా పనిచేస్తాయి.
ఓ అధ్యయనం ప్రకారం ఆస్తమా రోగులకి టమాటా ఓ మెడిసిన్‌లా పనిచేస్తుందని తేలింది. ఎందుకంటే రోగనిరోధక ప్రతిస్పందన పెంచేందుకు ఈ టమాటాలు బాగా పని చేస్తాయట. కాబట్టి ఆస్తమా వంటి సమస్యలతో బాధపడేవారు వీటిని రెగ్యులర్‌గా తమ డైట్‌లో చేర్చుకోవడం మంచిది.

అంతేకాక ఇందులోని లైకోపీన్ చర్మ ఆరోగ్యానికి సాయడతాయి. చర్మాన్ని మెరిపించడంలో అంతేకాదు, బోన్ స్ట్రెంథ్‌ని పెంచడంలో టమాటలు బాగా పనిచేస్తాయి. కాబట్టి, ఎదిగే పిల్లలకు, వృద్ధులకు తీసుకోవడం చాలా ముఖ్యం. టమాటాల్లోని విటమిన్ ఏ, యాంటీ ఆక్సిడెంట్స్ పుష్కలంగా ఉంటాయి. ఇవి కంటి సమస్యలను నివారించడంలో ఉపయోగపడతాయి.

కేవలం ఇవే కాకుండా మరెన్నో గుణాలు కూడా టమాటల్లో ఉంటాయి. లైకోపీన్, కొలన్, ప్రొస్టేట్, లంగ్ కాన్సర్‌ని అడ్డుకుంటుంది. రక్తం గడ్డకట్టకుండా ఉండాలంటే టమాటాలు తినాలి. ఇందులో ఎక్కువగా బీపీని తగ్గించే లక్షణాలు కూడా టమాటాల్లో ఉంటాయి. అంతేకాదు, వీటిని తినడం వల్ల హైపర్ టెన్షన్ కంట్రోల్ అవుతుంది. డయాబెటిస్ కూడా కంట్రోల్ అవుతుంది. దీంతో గుండె సమస్యలు తగ్గిపోతాయి. చర్మం ఆరోగ్యంగా ఉండాలంటే టమాటాలు తినాలి. బయోటిన్, విటమిన్ సీ ప్రోటీన్స్ ఉత్పత్తిని క్రమబద్దీకరిస్తాయి. దీని వల్ల త్వరగా ముసలితనం రాకుండా ఉంటుంది. కావాలంటే రెగ్యులర్‌గా టమాటాలు తినడం చాలా మంచిది. వీటిని తినడం చాలా మంచిది.
ఎన్నోసార్లు చెప్పుకున్నట్లుగా ఆరోగ్యమే కదా అని ఎక్కువగా తినడం అంత మంచిది కాదు. దీని వల్ల అసిడిటీ వంటి సమస్యలు తలెత్తే అవకాశం ఉంటుంది. కాబట్టి ఈ విషయం కచ్చితంగా గుర్తుపెట్టుకోవాలి. అందుకే ఎక్కువగా తినకపోవడమే మంచిది. దీని వల్ల ఇతర సమస్యలు కూడా వస్తుంటాయి. అందుకే తక్కువ పరిమాణంలో తీసుకోవడం మంచిది.