త్వరలో రెండు బడ్జెట్ 5జీ ఫోన్లు లాంచ్ చేయనున్న శాంసంగ్

Written by : smtv Desk | Sat, Jun 27, 2020, 12:45 PM

శాంసంగ్ గెలాక్సీ ఏ51ఎస్ 5జీ, గెలాక్సీ ఏ71ఎస్ 5జీ స్మార్ట్ ఫోన్లను శాంసంగ్ రూపొందిస్తున్నట్లు లీకులు వస్తున్నాయి. SM-A516V, SM-A716V మోడల్ నంబర్స్ ఉన్న స్మార్ట్ ఫోన్లు తాజాగా గీక్ బెంచ్ వెబ్ సైట్ లో కనిపించాయి. ఈ రెండు స్మార్ట్ ఫోన్లు శాంసంగ్ గెలాక్సీ ఏ51ఎస్ 5జీ, గెలాక్సీ ఏ71ఎస్ 5జీ అయి ఉంటాయని లీకులు వస్తున్నాయి. వీటికి సంబంధించిన కీలక స్పెసిఫికేషన్లు కూడా ఈ లిస్టింగ్ ద్వారా లీక్ అయ్యాయి. ఈ రెండు ఫోన్లూ ఆండ్రాయిడ్ 10 ఆపరేటింగ్ సిస్టం, క్వాల్ కాం ప్రాసెసర్ తో పనిచేయనున్నాయి.

తాజాగా లాంచ్ అయిన గెలాక్సీ ఏ51 5జీ కూడా గీక్ బెంచ్ లో SM-A516V మోడల్ నంబర్ తోనే లిస్ట్ అయింది. దీన్ని బట్టి చూస్తే ఈ ఫోన్ శాంసంగ్ గెలాక్సీ ఏ51ఎస్ 5జీ అయ్యే అవకాశం ఉంది. ఈ లిస్టింగ్ ప్రకారం ఈ ఫోన్ ఆండ్రాయిడ్ 10 ఆపరేటింగ్ సిస్టంపై పనిచేయనుంది. దీని మదర్ బోర్డ్ కోడ్ నేమ్ ను లిటోగా లిస్ట్ చేశారు. దీన్ని క్వాల్ కాం స్నాప్ డ్రాగన్ 765జీ ప్రాసెసర్ కు ఉపయోగిస్తారు. ముందే చెప్పినట్లు ఇందులో 6 జీబీ ర్యామ్ కూడా ఉంది.

శాంసంగ్ గెలాక్సీ ఏ51ఎస్ సింగిల్ కోర్ టెస్టింగ్ లో 622 పాయింట్లను, మల్టీ కోర్ టెస్టింగ్ లో 1928 పాయింట్లను సాధించింది. ఈ ఫోన్ గురించి ఇంతకంటే ఎక్కువ సమాచారం లభించలేదు.

శాంసంగ్ గెలాక్సీ ఏ71 5జీ కూడా SM-A716V మోడల్ నంబర్ తోనే లాంచ్ అయింది. కాబట్టి గీక్ బెంచ్ లిస్టింగ్ లో కనిపించిన ఫోన్ గెలాక్సీ ఏ71ఎస్ 5జీ అయ్యే అవకాశం ఉంది. ఈ ఫోన్ కూడా ఆండ్రాయిడ్ 10 ఆపరేటింగ్ సిస్టం పైనే పని చేయనుంది. ఇందులో కూడా క్వాల్ కాం స్నాప్ డ్రాగన్ 765జీ ప్రాసెసర్ నే అందించనున్నారు. ఇందులో 8 జీబీ వరకు ర్యామ్ ఉండనున్నట్లు తెలుస్తోంది. ఈ ఫోన్ సింగిల్ కోర్ టెస్టింగ్ లో 626 పాయింట్లను, మల్టీ కోర్ టెస్టింగ్ లో 1963 పాయింట్లను సాధించింది.

శాంసంగ్ గెలాక్సీ ఏ51ఎస్ 5జీ, గెలాక్సీ ఏ71ఎస్ 5జీ స్మార్ట్ ఫోన్ల గురించి వినిపించడం ఇదే మొదటిసారి. శాంసంగ్ గెలాక్సీ ఏ51 5జీ, గెలాక్సీ ఏ71 5జీ ఫోన్లు ఈ సంవత్సరం ఏప్రిల్ లో లాంచ్ అయ్యాయి.