పబ్జీలో కొత్త మ్యాప్!

Written by : smtv Desk | Sat, Jun 27, 2020, 08:43 PM

పబ్జీ మొబైల్ గేమ్ లో కొత్త మ్యాప్ ను అందుబాటులోకి తీసుకురానున్నారు. దీని ద్వారా గేమ్ చాలా తొందరగా ముగిసిపోనుంది. దీన్ని పబ్జీ అధికారికంగా ప్రకటించింది. అయితే దీని గురించిన వివరాలేవీ తెలపలేదు. అయితే పబ్జీ మొబైల్ ప్రొడ్యూసర్ దీనికి సంబంధించిన కీలక వివరాలను తెలిపారు. దీన్ని కేవలం మొబైల్ గేమర్ల కోసం మాత్రమే ప్రత్యేకంగా తయారు చేసినట్లు తెలిపారు. దీని ద్వారా మ్యాచ్ లను చాలా త్వరగా ఆడవచ్చు.
ఈ మ్యాప్ కేవలం రెండు కిలోమీటర్ల విస్తీర్ణంలో మాత్రమే ఉండనుంది. తక్కువ ప్లేయర్లతో రూమ్ మ్యాచ్ లు ఎక్కువ ఆడేవారికి ఈ మ్యాప్ ఉపయోగపడుతుంది. ఒక్కో గేమ్ 15 నిమిషాల పాటు జరగనుంది.

ఈ లివిక్ మ్యాప్ కోసం నార్డిక్ టెరైన్ థీమ్ ను పబ్జీ ఉపయోగించింది. ఇందులో హాట్ స్ప్రింగ్, వొల్కానో, వాటర్ ఫాల్ వంటి మోడ్స్ కూడా ఉన్నాయి. ఈ మ్యాప్ ఎప్పుడు లాంచ్ అవుతుందనే విషయాన్ని పబ్జీ తెలపలేదు. అయితే పబ్జీలో ఇంతకుముందు ఉన్న మ్యాప్స్ కు ఈ మ్యాప్ కు చాలా తేడా ఉండనుందనే విషయం మాత్రం స్పష్టంగా తెలుస్తోంది.మొబైల్ గేమ్స్ ఆడేవారి కోసం పబ్జీ గేమ్ ను చాలా ప్రత్యేకంగా రూపొందించారు. ఫోర్ట్ నైట్, కాల్ ఆఫ్ డ్యూటీ వంటి గేమ్స్ కంటే పబ్జీ ముందంజలో ఉండటానికి అదే కారణం. అందుకే లివిక్ మ్యాప్ ను ప్రత్యేకంగా మొబైల్ కోసం తీసుకువస్తున్నారు. ఈ మ్యాప్ పేరును బీటా వెర్షన్ లో సీక్రెట్ మ్యాప్ గా తెలిపారు.