నిరుద్యోగులకు తీపికబురు: అమెజాన్‌లో 20 వేల కొత్త ఉద్యోగాలు..20,000 జీతం!

     Written by : smtv Desk | Mon, Jun 29, 2020, 10:57 AM

నిరుద్యోగులకు తీపికబురు: అమెజాన్‌లో 20 వేల కొత్త ఉద్యోగాలు..20,000 జీతం!

దిగ్గజ ఈ-కామర్స్ సంస్థ అమెజాన్ తాజాగా నిరుద్యోగులకు శుభవార్త అందించింది. సీజనల్ ఎంప్లాయిమెంట్ కింద ఏకంగా 20,000 మందిని నియమించుకుంటామని ప్రకటించింది. హైదరాబాద్ సహా దేశవ్యాప్తంగా 11 ప్రాంతాల్లో నియమకాలు చేపడతామని పేర్కొంది. దీంతో నిరుద్యోగులకు ప్రయోజనం కలుగనుంది.

అమెజాన్ ఇప్పటికే కొద్ది నెలల కింద దేశవ్యాప్తంగా దాదాపు 50,000 మందిని టెంపరరీ జాబ్స్ కోసం విధుల్లోకి తీసుకుంది. ఫుల్‌ఫిల‌మెంట్ సెంటర్లు, డెలివరీ నెట్‌వర్క్‌లో వీరికి ఉపాధి అవకాశాలు కల్పించింది. ఇప్పుడు మళ్లీ మరో 20 వేల మందిని సీజనల్ జాబ్స్ కోసం తీసుకుంటామని పేర్కొంది. నెలకు రూ.15 వేల నుంచి రూ.20,000 వరకు జీతం లభిస్తుంది. ఈమెయిల్స్, చాట్, సోషల్ మీడియా, ఫోన్ కాల్స్ ద్వారా కస్టమర్లకు సేవలు అందించాల్సి ఉంటుంది.

Also Read: వామ్మో.. ఒకేసారి రూ.25 పెరిగిన లీటర్ పెట్రోల్ ధర.. డీజిల్‌ రేటు తెలిస్తే షాకే!

కరోనా వైరస్ శరవేగంగా విస్తరిస్తున్న నేపథ్యంలో చాలా మంది ఆన్‌లైన్ షాపింగ్ బాట పడుతున్నారు. దీంతో డిమాండ్ భారీగా పెరిగింది. అందుకే అమెజాన్ కూడా డిమాండ్‌కు తగినట్లుగా ఉపాధి అవకాశాలు కల్పిస్తూ వస్తోంది. అంతేకాకుండా డిమాండ్ నేపథ్యంలో ప్రత్యేకమైన సేల్స్‌ కూడా నిర్వహిస్తున్నాయి.

Also Read: పసిడి ప్రేమికులకు భారీ షాక్! రూ.65,000 పైకి బంగారం ధర? ఈరోజు రేట్లు ఇలా!



వచ్చే ఆరు నెలల కాలంలో కస్టమర్ల నుంచి డిమాండ్ మరింత పెరగొచ్చని అమెజాన్ ఇండియా డైరెక్టర్ (కస్టమర్ సర్వీస్) అక్షయ్ ప్రభు తెలిపారు. అందుకే దీనికి అనుగుణంగానే తమ నెట్‌వర్క్‌ను కూడా బలోపేతం చేసుకోవాలని యోచిస్తున్నామని, అందుకే కొత్తగా నియామకాలు చేపడుతున్నామని వివరించారు.

ఉద్యోగుల పనితీరు, కంపెనీ అవసరాలకు అనుగుణంగా టెంపరరీ ఉద్యోగుల్లో కొంత మందిని ఏడాది చివరి కల్లా పర్మినెంట్ కూడా చేస్తామని ఆయన తెలిపారు. కాగా 2025 నాటికి 10 లక్షల మందికి కొత్తగా ఉపాధి కల్పిస్తామని అమెజాన్ ఫౌండర్ జెఫ్ బెజోస్ ఏడాది ఆరంభంలోనే ప్రకటించిన విషయం తెలిసిందే. కాగా అమెజాన్ గత ఏడేళ్లలో 7 లక్షల మందికి ఉపాధి కల్పించింది.





Untitled Document
Advertisements