బాలీవుడ్ హీరోయిన్‌పై పాక్ క్రికెటర్ కన్ను

     Written by : smtv Desk | Mon, Jun 29, 2020, 11:01 AM

బాలీవుడ్ హీరోయిన్‌పై పాక్ క్రికెటర్ కన్ను

పాకిస్థాన్ మాజీ కెప్టెన్ సర్ఫరాజ్ అహ్మద్ బాలీవుడ్ హీరోయిన్‌పై మనసు పారేసుకున్నాడు. గత ఏడాది చివర్లో పేలవ ఫిట్‌నెస్, ఫామ్ కారణంగా పాక్ కెప్టెన్సీతో పాటు జట్టులో స్థానాన్ని కూడా చేజార్చుకున్న సర్ఫారాజ్ అహ్మద్.. తాజాగా ఇంగ్లాండ్ టూర్‌కి ఎంపికయ్యాడు. 2019 వన్డే ప్రపంచకప్‌లో భాగంగా భారత్‌తో జరిగిన మ్యాచ్‌లో సర్ఫరాజ్ అహ్మద్ వికెట్ల వెనుక కీపింగ్ చేస్తూ తీసిన ఆవలింతలపై అప్పట్లో పెద్ద ఎత్తున సెటైర్లు పేలాయి. జులై చివరి నుంచి ఇంగ్లాండ్‌తో మూడు టెస్టులు, మూడు టీ20ల సిరీస్‌ని పాకిస్థాన్ ఆడనుండగా.. కరోనా వైరస్ నేపథ్యంలో నెల రోజులు ముందుగానే.. అంటే ఈరోజే (జూన్ 28న) అక్కడికి పాక్ జట్టు బయల్దేరి వెళ్లింది. ఇంగ్లాండ్‌తో సిరీస్‌ కోసం 29 మందితో కూడిన జట్టుని పాకిస్థాన్ క్రికెట్ బోర్డు (పీసీబీ) ఇటవల ప్రకటించగా.. ఇందులో ఓ 10 మంది క్రికెటర్లకి కరోనా వైరస్ సోకినట్లు గత సోమవారం వెలుగులోకి వచ్చింది. అయితే.. శనివారం ఈ పదిలో ఆరుగురికి నెగటివ్ వచ్చినా.. టూర్‌కి మాత్రం ఆ 10 మందిని ఈరోజు పీసీబీ పంపలేదు. సర్ఫరాజ్ అహ్మద్‌కి మాత్రం ఫస్ట్, సెకండ్ టెస్టులో నెగటివ్ వచ్చింది. దాంతో.. అతను టీమ్‌తో కలిసి ఈరోజు ఇంగ్లాండ్‌కి వెళ్లిపోయాడు. అయితే.. ఇంగ్లాండ్ టూర్‌కి వెళ్లేముందు ఓ ఇంటర్వ్యూలో సర్ఫరాజ్ అహ్మద్ మాట్లాడుతుండగా.. ఫేవరెట్ హీరోయిన్స్ గురించి చర్చ వచ్చింది. దాంతో.. బాలీవుడ్‌లో దీపికా పదుకొణె, కత్రినా కైఫ్‌లో మీకు ఇష్టమైన హీరోయిన్ ఎవరు..? అని సర్పరాజ్‌ని ప్రశ్నించగా.. కత్రినా కైఫ్ అంటే ఇష్టం అని వెల్లడించాడు. బాలీవుడ్ హీరోయిన్స్‌ని పాకిస్థాన్ క్రికెటర్లు ఇష్టపడటం కొత్తేమీ కాదు. గతంలో ఫాస్ట్ బౌలర్ షోయబ్ అక్తర్.. సోనాలీ బింద్రేపై మనసు పారేసుకున్నాడు. అప్పట్లో సోనాలిని కిడ్నాప్ చేయాలని కూడా తాను అనుకున్నట్లు అక్తర్ వెల్లడించాడు.







Untitled Document
Advertisements