కొత్త హోమ్ లోన్ స్కీమ్...తక్కువ వడ్డీకే రూ.35 లక్షల వరకు లోన్!

     Written by : smtv Desk | Tue, Jun 30, 2020, 10:56 AM

కొత్త హోమ్ లోన్ స్కీమ్...తక్కువ వడ్డీకే రూ.35 లక్షల వరకు లోన్!

సొంతింటి కల సాకారం చేసుకోవాలని భావిస్తున్నారా? కొత్త ఇల్లు అంటే అంత ఈజీ కాదు. చాలా డబ్బులు అవసరం అవుతాయి. అయితే చేతిలో సరిపడినంత డబ్బులు లేవా? హోమ్ లోన్ తీసుకోవాలని ప్లాన్ చేస్తున్నారా? లోన్ తీసుకొని కొత్త ఇంటిని కొనుగోలు చేయాలని యోచిస్తున్నారా? అయితే మీకు ఒక అదిరిపోయే ఆఫర్ అందుబాటులో ఉంది.

టాటా క్యాపిటల్ హౌసింగ్ ఫైనాన్స్ తాజాగా కొత్త హోమ్ లోన్ ఆఫర్‌ను ప్రకటించింది. ఉద్యోగం చేస్తున్నవారు, స్వయం ఉపాధి పొందుతున్న వారికి ఈ లోన్ స్కీమ్ అందుబాటులో ఉంది. టైర్ 1, టైర్ 2 సహా ఇతర పట్టణ ప్రాంతాల్లో నివాసం ఉంటున్న వారు ఈ హోమ్ లోన్ కోసం అప్లై చేసుకోవచ్చు.

Also Read: రికార్డ్ స్థాయికి పెరిగిన బంగారం ధర.. వెండి పరుగు!

కస్టమర్లు టాటా క్యాపిటల్ హైసింగ్ ఫైనాన్స్ లోన్ స్కీమ్ కింద రూ.35 లక్షల వరకు రుణం పొందొచ్చు. వడ్డీ రేటు 7.99 శాతం నుంచి ప్రారంభమౌతోంది. అందుబాటు ధరలోని ఇళ్ల విభాగంలో డిమాండ్‌ను పెంచాలనే లక్ష్యంతో ఈమేరకు కొత్త లోన్ స్కీమ్ అందిస్తున్నామని కంపెనీ తెలిపింది.

రుణ మొత్తం ప్రాపర్టీ వ్యాల్యూ, మీరు నివాసం ఉంటున్న ప్రాంతం ప్రాతిపదికన మారుతుందని కంపెనీ తెలిపింది. లోన్ తీసుకోవాలని భావించే వారు టాటా క్యాపిటల్ వెబ్‌సైట్‌‌కు వెళ్లి రుణ అర్హత ఉందో లేదో చూసుకోవచ్చు. అలాగే రుణానికి సంబంధించి వడ్డీ రేట్లు, ఇతర చార్జీలు, ప్రాసెసింగ్ ఫీజు, ఈఎంఐ డిలే పెనాల్టీ సహా పలు ఇతర అంశాలు కూడా పూర్తిగా తెలుసుకోవచ్చు.





Untitled Document
Advertisements