ఫ్లూ లక్షణాల నుండి ప్రెగ్నెంట్ మహిళలను కాపాడుకోవడం ఎలా?

తల్లిదండ్రులుగా మారాలనుకునే వారికి ప్రెగ్నెన్సీ చాలా సంతోషాన్ని ఇస్తుంది. అయితే పుట్టబోయే శిశువును ఎలా రక్షించుకోవాలి అనే విషయంపై అవగాహన కలిగివుండాలి- చేసుకోవాల్సిన మెడికల్ టెస్ట్‌లు, ఏ డాక్టర్‌ను సంప్రదించాలి మొదలగు విషయాలు కూడా తెలియాలి. వారికి పుట్టబోయే శిశువు గురించి తల్లులు చాలా జాగ్రత్తలు తీసుకోవాలి. ఆరోగ్యకరమైన ఆహారం తీసుకోవడం, బిడ్డ కడుపులో ఉన్నప్పుడు చేయాల్సిన వ్యాయామాలు, మెడిటేషన్ తరగతులకు హాజరవడం, మంచి తల్లిగా ఎలా ఉండాలి.. ఇలాంటి విషయాలన్నింటి గురించి అవగాహన కలిగివుండాలి. వేసుకోవాల్సిన టీకాలు గురించి కూడా చాలా జాగ్రత్తలు తీసుకోవాలి - ప్రెగ్నెన్సీ సమయంలోను, డెలివరీ అయిన తరువాత, శిశువు కోసం ఒకటి, తల్లి కోసం ఒకటి! ఇలా వైద్యులు సూచించే చాలా సలహాలను పాటించాలి, వీటిలో ప్రతి విషయాన్నీ తప్పనిసరిగా పాటించాలి.



తక్కువగా టీకాలు వేసుకోవడం
భారతదేశంలో ప్రెగ్నెన్సీ సమయంలో టీకాలు వేసుకోవడం చాలా తక్కువ. టీకాలు గురించి ఎక్కువమందికి తెలియకపోవడం దీనికి ఒక కారణంగా చెప్పవచ్చు. మహిళలలో ఈ టీకాల గురించి మరియు వాటి భద్రత గురించి పూర్తి అవగాహన లేకపోవడం వలన కూడా వాక్సినేషన్ రేట్ తక్కువగా ఉంది. ఇలా భారతదేశంలో, చాలా ముఖ్యమైన ఇన్ఫ్లుఎంజా వాక్సిన్‌ను ఎక్కువగా పట్టించుకోరు. సెంటర్ ఫర్ డిసీజ్ కంట్రోల్ అండ్ ప్రివెన్షన్ మరియు అమెరికన్ కాలేజ్ ఆఫ్ అబ్‌స్టెట్రిషన్స్ అండ్ గైనకాలజిస్ట్ సలహాల మేరకు అమెరికాలో ఈ టీకాలను ఖచ్చితంగా వేసుకోవాలి, అలానే ఇవి ప్రతి ఒక్కరికీ అందుతాయి.

ప్రెగ్నెంట్ మహిళలలో ఫ్లూ

ప్రెగ్నెంట్ మహిళలలో ఫ్లూ


ప్రెగ్నెన్సీ లేనివారితో పోలిస్తే ప్రెగ్నెన్సీ ఉన్న మహిళల్లో సీజనల్ ఇన్ఫెక్షన్స్ మరియు అంటువ్యాధులు వచ్చే అవకాశాలు ఎక్కువనే విషయం తెలిసిందే. ప్రెగ్నెన్సీ సమయంలో మహిళల్లో వచ్చే శారీరక మార్పుల వలన కూడా ఈ ఇన్ఫెక్షన్లు ఎక్కువగా వస్తాయి. తను మరియు తనకి పుట్టబోయే బిడ్డ ఇద్దరి ఆరోగ్యం గురించి కూడా ప్రెగ్నెంట్ మహిళ ఆలోచించాలి. పుట్టిన బిడ్డకు ఆరు నెలలు వచ్చేంత వరకు కూడా ఎక్కువ జాగ్రత్తగా ఉండాలి. ప్రారంభంలో, పుట్టిన బిడ్డ తన వ్యాధి నిరోధక శక్తిని మెరుగుపరుచుకోవడానికి మరియు న్యూట్రిషన్ కోసం తల్లి పాల మీద ఆధారపడుతుంది.

ఇన్ఫ్లుఎంజాకు గురయ్యే అవకాశాలు
సాధారణంగా ఇది ఫ్లూ వలన ఎక్కువగా వచ్చే అవకాశాలు ఉంటాయి. ఇన్ఫ్లుఎంజా ఉన్న ప్రెగ్నెంట్ మహిళల్లో చేసిన అధ్యయనాలలో తేలిందేమిటంటే, దీని వలన నెలలు నిండకుండానే బిడ్డ పుట్టడం, తక్కువ బరువుతో పుట్టడం, సిజేరియన్ డెలివరీలు అవ్వడం వంటి ప్రమాదాలు జరుగుతాయి.

2009-2010 లో వచ్చిన H1N1 ఇన్ఫ్లుఎంజా అంటువ్యాధుల వలన, చాలా మంది ప్రెగ్నెంట్ మహిళలు హాస్పిటల్‌లో చేరాల్సి వచ్చింది, వారిలో ఎక్కువ మందిని ఇంటెన్సివ్ కేర్‌లో పెట్టడం జరిగింది మరియు వారు ప్రాణాపాయ స్థితిని ఎదుర్కొన్నారు. ఇన్ఫ్లుఎంజా ప్రభావాల వలన హాస్పిటల్‌లో చేరిన వారిలో ఎక్కువగా 6 నెలల లోపు ఉన్న శిశువులు ఉన్నారు, తరువాత స్థానంలో వృద్దులు (65+) ఉన్నారు.



వాక్సిన్ ఎలా సహాయపడుతుంది?

తల్లి మరియు శిశువులు తీవ్రమైన అనారోగ్యాల బారిన పడకుండా కాపాడడంలో ఇన్ఫ్లుఎంజా టీకాలు ఎక్కువగా సహాయపడతాయి. శిశువులు రక్షణ కోసం ఎక్కువగా తల్లి పైన ఆధారపడతారు. భద్రతా చర్యల నుండి సూచనలు లేనప్పటికీ మొట్టమొదటిగా 1960 లో ప్రెగ్నెంట్ మహిళలకు ఇన్ఫ్లుఎంజా వాక్సిన్‌ను సిఫారసు చెయ్యడం జరిగింది. కానీ ప్రస్తుతం ఇమ్యునైజేషన్ ప్రాక్టీసెస్ (ACIP) మరియు WHO సలహా కమిటీ యొక్క మార్గదర్శకాలు, ప్రెగ్నెన్సీ యొక్క అన్ని దశలలోను మహిళలకు ఇన్ఫ్లుఎంజా వాక్సిన్‌ను సిఫారసు చేస్తున్నాయి.

ఫెడరేషన్ ఆఫ్ అబ్స్ట్‌ట్రిక్ అండ్ గైనకాలజికల్ సొసైటీస్ ఆఫ్ ఇండియా (FOGSI), ప్రెగ్నెన్సీ సమయంలో మహిళలు ఇన్ఫ్లుఎంజాకు గురికాకుండా ఉండడానికి ఇన్ఫ్లుఎంజా వాక్సిన్‌ను సూచించింది. ఇన్ఫ్లుఎంజా వాక్సిన్ తీసుకున్న మహిళల్లో నెలలు నిండకుండా బిడ్డ పుట్టడం, తక్కువ బరువుతో పుట్టడం వంటివి తక్కువగా నమోదవడం గమనించబడింది.

వాక్సిన్ ఎలా సహాయపడుతుంది:


ఇందువలనే ఎక్కువమంది నిపుణులు, ప్రెగ్నెన్సీ ఆరంభ దశలలో ఇన్ఫ్లుఎంజా వాక్సిన్‌ను సూచిస్తారు. భారతదేశంలో ఫ్లూ సీజన్ ప్రాంతాన్ని బట్టి మారుతూ ఉంటుంది, అందువలన ప్రెగ్నెంట్ మహిళలు ఫ్లూను ఎదుర్కోవడానికి డాక్టర్‌ను సంప్రదించి వాక్సిన్ తీసుకోవడం మంచిది. మీరు ఇన్ఫ్లుఎంజా వాక్సిన్ వేసుకోకుండా ఈమధ్యనే బిడ్డకు జన్మనిచ్చినట్లయితే, ఇప్పుడే తీసుకొని తల్లి పాల ద్వారా బిడ్డకు అవసరమయ్యే యాంటీబాడీస్‌ను ఇవ్వండి.

సరైన సమయంలో సరైన సలహాలు తీసుకోవడం వలన సురక్షిత ప్రెగ్నెన్సీ ఉండడమే కాకుండా పుట్టే బిడ్డ కూడా ఆరోగ్యంగా ఉంటుంది. టీకాల యొక్క ఉపయోగాలపై డాక్టర్ సలహాలు తీసుకోండి మరియు బిడ్డ పుట్టడానికి ముందు మరియు పుట్టిన తరువాత అవసరమయ్యే అన్ని జాగ్రత్తలు తీసుకోవడం మర్చిపోవద్దు.