ఒప్పో ఫోన్‌పై ఏకంగా రూ.2,000 తగ్గింపు!

Written by : smtv Desk | Wed, Jul 01, 2020, 05:50 PM

ఒప్పో రెనో 3 ప్రో ధరను మనదేశంలో రూ.2,000 తగ్గించారు. దీంతోపాటు ఈ స్మార్ట్ ఫోన్ లో 256 జీబీ స్టోరేజ్ వేరియంట్ కూడా అందుబాటులో ఉంది. రెనో 3 ప్రో మనదేశంలో మార్చిలో లాంచ్ అయింది. ఇందులో 128 జీబీ, 256 జీబీ స్టోరేజ్ వేరియంట్లు లాంచ్ అయ్యాయి కానీ, 256 జీబీ స్టోరేజ్ వేరియంట్ ఇంతవరకు సేల్ కు రాలేదు. ఇందులో డ్యూయల్ హోల్ పంచ్ సెల్ఫీ కెమెరా అందుబాటులో ఉంది.
ఒప్పో రెనో 3 ప్రో 8 జీబీ ర్యామ్ + 128 జీబీ స్టోరేజ్ వేరియంట్ ధరను మనదేశంలో రూ.31,990గా నిర్ణయించారు. ఇప్పుడు దీని ధర రూ.29,990కు తగ్గింది. ఈ ఫోన్ తగ్గిన ధరకే అమెజాన్ వెబ్ సైట్ లో అందుబాటులో ఉంది. రెనో 3 ప్రో 256 జీబీ వేరియంట్ ధర రూ.32,990గా ఉంది.

ఇందులో 6.4 అంగుళాల ఫుల్ హెచ్ డీ+ సూపర్ అమోఎల్ఈడీ(AMOLED) డిస్ ప్లేను అందించారు. దీని యాస్పెక్ట్ రేషియో 20:9గా, స్క్రీన్ టు బాడీ రేషియో 91.5 శాతం. ఆక్టా కోర్ మీడియాటెక్ హీలియో పీ95 ప్రాసెసర్ ను ఈ స్మార్ట్ ఫోన్ లో అందించారు.

ఈ స్మార్ట్ ఫోన్ వెనకవైపు నాలుగు కెమెరాలను అందించారు. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, దీంతో పాటు 8 మెగా పిక్సెల్ అల్ట్రా వైడ్ యాంగిల్ కెమెరా, 13 మెగా పిక్సెల్ టెలిఫొటో సెన్సార్, 2 మెగా పిక్సెల్ మోనో సెన్సార్ కూడా ఉన్నాయి. ఇవి 5x హైబ్రిడ్ జూమ్, 20x డిజిటల్ జూమ్ వరకు సపోర్ట్ చేస్తాయి. సెల్ఫీ ప్రియుల కోసం ముందువైపు 44 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలను అందించారు.ఆండ్రాయిడ్ 10 ఆధారిత కలర్ ఓఎస్ 7పై ఒప్పో రెనో 3 ప్రో పనిచేస్తుంది. దీని బ్యాటరీ సామర్థ్యం 4,025 ఎంఏహెచ్ గా ఉంది. 30W ఫాస్ట్ చార్జింగ్ టెక్నాలజీని ఈ స్మార్ట్ ఫోన్ సపోర్ట్ చేస్తుంది. 4జీ వోల్టే, వైఫై 802.11ac, బ్లూటూత్, జీపీఎస్/ఏ-జీపీఎస్, యూఎస్ బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. ఇన్-డిస్ ప్లే ఫింగర్ ప్రింట్ సెన్సార్ ను ఇందులో అందించారు.