హీరోతో లిప్ కిస్...క్లారిటీ ఇచ్చిన డైరెక్టర్!

     Written by : smtv Desk | Thu, Jul 02, 2020, 10:07 AM

హీరోతో లిప్ కిస్...క్లారిటీ ఇచ్చిన డైరెక్టర్!

సిద్ధు జొన్నలగడ్డ హీరోగా వచ్చిన ‘కృష్ణ అండ్ హిజ్ లీల’ ప్రస్తుతం హాట్ టాపిక్‌గా మారింది. ‘క్షణం’ వంటి హిట్ సినిమాను తెరకెక్కించిన దర్శకుడు రవికాంత్ పెరెపు దర్శకత్వం వహించిన సినిమా కావడం, మూడేళ్ల క్రితం మొదలైన ఈ సినిమా లాక్‌డౌన్ సమయంలో నెట్‌ఫ్లిక్స్‌లో విడుదల కావడమే దీనికి కారణం. శ్రద్ధా శ్రీనాథ్, సీరత్ కపూర్, షాలిని వాడ్నికట్టి హీరోయిన్లుగా రూపొందిన ఈ ట్రయాంగిల్ లవ్‌ స్టోరీ ప్రేక్షకాదరణ పొందుతోంది.



ఇదిలా ఉంటే, ఈ చిత్ర దర్శకుడు రవికాంత్, హీరో సిద్ధు లిప్ లాక్ చేసుకుంటోన్న ఫొటో ఒకటి ఈ మధ్య సోషల్ మీడియాలో బాగా వైరల్ అయ్యింది. చిత్ర ప్రచారం కోసమే ఈ స్టంట్ అంటూ కొంత మంది విమర్శించారు. అయితే, దీనిపై తాజాగా దర్శకుడు రవికాంత్ స్పందించారు. ‘‘ప్రచారం కోసం మేం అలా చేయలేదు. దాని వెనుక మూడు సంవత్సరాల కష్టం ఉంది. మా ఇద్దరికీ అదొక ఎమోషనల్ మూమెంట్. అంతేకానీ, అది సెన్సేషనలైజ్ చేయడానికో, వైరల్ చేయడానికో కాదు’’ అని రవికాంత్ వెల్లడించారు.


2016లో ‘క్షణం’ సినిమా చేసిన తరవాత నుంచీ ‘కృష్ణ అండ్ హిజ్ లీల’ చిత్రంపైనే తాను పనిచేశానని.. సిద్ధుతో కలిసి మూడేళ్లు జర్నీ చేశానని అన్నారు. ఈ సినిమా మధ్యలో ఆగిపోయినా సిద్ధు తనకు సపోర్ట్‌గా నిలిచారని రవికాంత్ చెప్పారు. అయితే, తమ ముద్దు ఫొటోపై వచ్చిన విమర్శలను తాను పట్టించుకోలేదని, అసలు దానిని అంత సీరియస్‌గా తీసుకోలేదని రవికాంత్ స్పష్టం చేశారు. సినిమా ఫలితంపై తాను పూర్తి సంతృప్తిగా ఉన్నానని అన్నారు.





Untitled Document
Advertisements