బీరు తయారీకి మూత్రం కలుపుతున్న ఉద్యోగి!...నిజమేనా?

     Written by : smtv Desk | Thu, Jul 02, 2020, 08:18 PM

బీరు తయారీకి మూత్రం కలుపుతున్న ఉద్యోగి!...నిజమేనా?

మందుబాబులకు షాకిచ్చే న్యూస్ ఒకటి సోషల్ మీడియాలో వైరల్‌గా చక్కర్లు కొడుతోంది. బీరు తయారీ కంపెనీలో పనిచేస్తున్న ఓ ఉద్యోగి 12 ఏళ్లుగా ‘మూత్రం’ పోస్తున్నాడట. అందులో వింత ఏముందు అనుకుంటున్నారా? అతడు ఆ మూత్రాన్ని పోస్తోంది మరెక్కడో కాదు.. బీరు తయారీకి ఉపయోగించే ట్యాంకులో. వామ్మో.. ఇంతకీ ఏ కంపెనీ బీరు అది అని భయపడుతున్నారా? అయితే, గుండె నిబ్బరం చేసుకోండి. అసలు నిజం తెలుసుకొనేందుకు ఈ కథనం పూర్తిగా చదవండి.

ఓ వెబ్‌సైట్లో‌ పేర్కొన్న వివరాల ప్రకారం.. బడ్వైజర్ (Budweiser) బ్రేవరీ అనే బీర్ల సంస్థలో పనిచేస్తున్న వాల్టెర్ పావెల్ (పేరు మార్చారు) వ్యక్తి గత 12 ఏళ్లుగా బీర్ ట్యాంకులోనే మూత్రం పోస్తున్నాడట. ఈ సందర్భంగా అతడు మాట్లాడుతూ.. ‘‘నా స్నేహితులు బడ్వైజర్ బీరు తాగుతామంటే జాలిపడేవాడిని. నాకు బద్దకం చాలా ఎక్కువ. అందుకే, బీరు ట్యాంకులోనే మూత్రం పోసేవాడిని’’ అని తెలిపాడు.

‘‘తొలిసారిగా నేను బీరు ట్యాంకులో మూత్రం లేకుండా నీటిని నింపుతున్నా. ఇక అందరూ నా మూత్రానికి బదులు.. బడ్వైజర్ బీరులోని అసలైన రుచిని ఆస్వాదించవచ్చు. నా యజమాని ఇప్పుడు నన్ను ఎంతగానో నమ్ముతున్నాడు. ఇకపై నేను అలాంటి పనులు చేయను’’ అని అని తెలిపాడు. ఈ వార్త వైరల్ కావడంతో సోషల్ మీడియాలో జోకులు పేలుతున్నాయి. ఇందులో మీరు ఊహించని ట్విస్టు ఉంది. అదేమిటంటే...

ఈ వార్తను ప్రచురించిన foolishhumour.com అనే వెబ్‌సైట్ కేవలం ప్రేక్షకులను నవ్వించడం కోసమే ఈ ఆర్టికల్ పోస్ట్ చేసింది. వార్త చివర్లో ఇది కల్పిత ఘటన అని, వాస్తవ జీవితానికి ఎలాంటి సంబంధం లేదని పేర్కొంది. అయితే, ఈ నిజం తెలియక ఎంతోమంది మందుప్రియులు మదనపడిపోతున్నారు. అయ్యో.. ఇన్ని రోజులు మేము.. వాడి పోసినదే బీరు అనుకుని తాగేశామా అని వాపోతున్నారు. అసలు విషయం తెలిసిన తర్వాత ‘హమ్మయ్య..’ అని ఊపిరి పీల్చుకుంటున్నారు. కాబట్టి.. బీరులో ఉద్యోగి మూత్రం కలుపుతున్నాడనే వార్త.. ఫేక్!





Untitled Document
Advertisements