పుష్ అప్స్ ఛాలెంజ్: పాండ్యాకు కోహ్లీ సూపర్ షాక్

     Written by : smtv Desk | Fri, Jul 03, 2020, 11:04 AM

పుష్ అప్స్ ఛాలెంజ్: పాండ్యాకు కోహ్లీ సూపర్ షాక్

భారత్ జట్టుకి విరాట్ కోహ్లీ పూర్తి స్థాయిలో కెప్టెన్‌గా మారిన తర్వాత.. టీమ్‌లోని ఆటగాళ్ల ఫిట్‌నెస్ ఊహించని స్థాయిలో పెరిగింది. ఆటలోనే కాదు ఫిట్‌నెస్ విషయంలోనూ కోహ్లీనే ముందుండి టీమ్‌ని నడిపిస్తున్నాడు. ఎంతలా అంటే.. ఇప్పుడు టీమిండియాలో సగానిపైగా ఆటగాళ్లు సిక్స్‌ ప్యాక్‌తో కనిపిస్తున్నారు.
ఫిట్‌నెస్ విషయంలో అధిక శ్రద్ధ కనబర్చే ఆల్‌రౌండర్ హార్దిక్ పాండ్య ఇటీవల గాల్లోకి ఎగురుతూ పుష్ అప్స్ తీసి అందర్నీ ఆశ్చర్యపరిచాడు. ఆ పుష్ అప్స్ వీడియోని సోషల్ మీడియాలో హార్దిక్ పోస్ట్ చేయగా.. బాలీవుడ్ సెలెబ్రిటీలు కూడా ప్రశంసలు కురిపించారు. తాజాగా హార్దిక్ తరహాలోనే పుష్ అప్స్ తీసిన విరాట్ కోహ్లీ.. వాటికి చప్పట్లు కూడా జోడించాడు. గాల్లోకి ఎగిరి నేలని తాకే లోపే చప్పట్లు కొడుతూ పుష్ అప్స్ తీశాడు. అంతేకాదు.. అదే పుష్ అప్స్‌ని రివర్స్‌లో వెనక్కి వెళ్తూ కూడా కోహ్లీ చేయడం కొసమెరుపు.
గాల్లోకి ఎగురుతూ పుష్ అప్స్ తీసే క్రమంలో ఆటగాళ్లు గాయపడే ప్రమాదాలు లేకపోలేదు. సరైన పొజీషన్‌లో ల్యాండ్ అవలేకపోతే ప్రమాదం. అయినప్పటికీ కోహ్లీ, హార్దిక్ పాండ్యా అవలీలగా వాటిని చేస్తుండటం.. వారి ఫిట్‌నెస్ సామర్థ్యానికి నిదర్శనంగా చెప్పొచ్చు. వాస్తవానికి హార్దిక్ పాండ్యా పుష్ అప్ ఛాలెంజ్‌ని తన సోదరుడు కృనాల్ పాండ్యాకి విసిరాడు. కానీ.. కోహ్లీ స్వీకరించి దానికి ఓ ట్విస్ట్‌ని కూడా యాడ్ చేశాడు.




Untitled Document
Advertisements