తక్కువ వడ్డీతో లోన్స్ ఇస్తున్న టాప్ బ్యాంకులు

Written by : smtv Desk | Fri, Jul 03, 2020, 02:18 PM

కొత్తగా ఇల్లు కట్టుకోవాలని చూస్తున్నారా? లేదంటే ఫ్లాట్ కొనుగోలు చేయాలని భావిస్తున్నారా? అయితే దీనికి భారీ మొత్తంలో డబ్బులు కావాలి. మీ వద్ద ఉంటే పర్లేదు. లేదంటే బ్యాంక్ నుంచి లోన్ తీసుకోవాలి. బ్యాంకులు,హైసింగ్ ఫైనాన్స్ సంస్థలు, నాన్ బ్యాంకింగ్ ఫైనాన్స్ కంపెనీలు హోమ్ లోన్స్ అందిస్తున్నాయి.

అయితే బ్యాంకులు అన్నీ ఒకే వడ్డీకి హోమ్ లోన్స్‌ను అందించవు. బ్యాంక్ ప్రాతిపదికన వడ్డీ రేటుతోపాటు ఇతర చార్జీలు కూడా మారిపోతాయి. అందువల్ల బ్యాంక్‌కు వెళ్లి లోన్ తీసుకునే ముందు చాలా అంశాలను గమనించాలి. లేదంటే నష్టపోవాల్సి వస్తుంది. తక్కువ వడ్డీకే హోమ్ లోన్ అందిస్తున్న టాప్ బ్యాంకులు ఏవో చూద్దాం.యూనియన్ బ్యాంక్ ఆఫ్ ఇండియా 6.7 శాతం నుంచి వడ్డీ రేటుతో హోమ్ లోన్స్‌ను అందిస్తోంది. బ్యాంక్ ఆఫ్ ఇండియా 6.85 శాతం వడ్డీతో రుణాలు ఆఫర్ చేస్తోంది. బ్యాంక్ ఆఫ్ బరోడా, సెంట్రల్ బ్యాంక్ ఆఫ్ ఇండియా కూడా ఇదే వడ్డీ రేటుతో హోమ్ లోన్స్‌ను అందిస్తున్నాయి.
పంజాబ్ అండ్ సింద్ బ్యాంక్, కెనరా బ్యాంక్ 6.9 శాతం వడ్డీ రేటుతో రుణాలు అందిస్తున్నాయి. పంజాబ్ నేషనల్ బ్యాంక్, ఇండియన్ బ్యాంక్ వంటివి 7 శాతం వడ్డీ రేటుతో హోమ్ లోన్స్ ఆఫర్ చేస్తోంది. బ్యాంక్ ఆఫ్ మహరాష్ట్ర 7.3 శాతం వడ్డీతో రుణాన్ని ఇస్తోంది. హెచ్‌డీఎఫ్‌సీ బ్యాంక్, కోటక్ మహీంద్రా బ్యాంక్ వంటివి హోమ్ లోన్స్‌పై 7.35 శాతం వడ్డీని వసులు చేస్తున్నాయి.
నైనిటల్ బ్యాంక్ హోమ్ లోన్స్‌పై 7.4 శాతం వడ్డీని తీసుకుంటోంది. ఐడీబీఐ బ్యాంక్ 7.8 శాతం వడ్డీ రేటుతో రుణాన్ని అందిస్తోంది. స్టేట్ బ్యాంక్ ఆఫ్ ఇండియా (SBI) 7 శాతం నుంచి వడ్డీ రేటు వసూలు చేస్తోంది. ఐసీఐసీఐ బ్యాంక్ 7.45 శాతం వడ్డీ రేటుతో రుణాలు ఆఫర్ చేస్తోంది.