ఎల్‌ఐసీ పాలసీ అదుర్స్...రూ.60తో రూ.13 లక్షలు!

     Written by : smtv Desk | Sat, Jul 04, 2020, 01:02 PM

ఎల్‌ఐసీ పాలసీ అదుర్స్...రూ.60తో రూ.13 లక్షలు!

దేశీ దిగ్గజ బీమా రంగ కంపెనీ లైఫ్ ఇన్సూరెన్స్ కార్పొరేషన్ (LIC) ఆఫ్ ఇండియా ఎన్నో రకాల పాలసీలు అందిస్తోంది. టర్మ్ ప్లాన్, ఎండోమెంట్ ప్లాన్, యాన్యుటీ ప్లాన్, మనీ బ్యాక్ ప్లాన్, చిల్డ్రన్స్ ప్లాన్ ఇలా పలు రకాల పాలసీలు ఆఫర్ చేస్తోంది. ఎల్‌ఐసీపై ప్రజల్లో విశ్వాసం ఎక్కువ. అందుకే ఎన్ని కంపెనీలు వచ్చినా ఎల్‌ఐసీ ప్రాబల్యం మాత్రం తగ్గలేదు.

కంపెనీ అందిస్తోన్న పాలసీల్లో ఎల్‌ఐసీ న్యూ జీవన్ ఆనంద్ పాలసీ కూడా ఒకటి ఉంది. ఈ పాలసీ తీసుకోవడం వల్ల డబ్బు ఆదాతోపాటు కుటుంబానికి రక్షణ కూడా లభిస్తుంది. బోనస్ వస్తుంది. పాలసీ టర్మ్ ముగిసిన తర్వాత కూడా రిస్క్ కవర్ కొనసాగుతుంది. 18 ఏళ్లు లేదా ఆపైన వయసు కలిగిన వారు ఈ పాలసీ తీసుకోవచ్చు. 50 ఏళ్లకు పైన వయసు కలిగిన వారికి ఈ పాలసీ వర్తించదు. కనీసం రూ.లక్ష పాలసీ తీసుకోవాల్సి ఉంటుంది. ఇక గరిష్ట పరిమితి అంటూ ఏమీ ఉండదు. మీకు నచ్చిన అమౌంట్‌కు పాలసీ తీసుకోవచ్చు.

న్యూ జీవన్ ఆనంద్ ప్లాన్ టర్మ్ 15 ఏళ్ల నుంచి 35 ఏళ్లకు ఉంటుంది. ఆఫ్‌లైన్ లేదా ఆన్‌లైన్‌లో ఈ పాలసీని కొనుగోలు చేయవచ్చు. పాలసీ ప్రీమియం మొత్తాన్ని సంవత్సరం, ఆరు నెలలు, మూడు నెలలు, నెల చొప్పున చెల్లిస్తూ రావొచ్చు. పాలసీ తీసుకొని మూడేళ్లు దాటిన తర్వాత లోన్ కూడా తీసుకోవచ్చు. పాలసీ మెచ్యూరిటీ సమయంలో బీమా మొత్తం, బోనస్, ఫైనల్ అడిషన్ బోనస్ వంటివి లభిస్తాయి. 25 ఏళ్ వయసులో ఉన్న వారు రూ.5 లక్షల బీమా మొత్తానికి 25 ఏళ్ల టర్మ్‌తో పాలసీ తీసుకొని ఉంటే.. మెచ్యూరిటీ సమయంలో పాలసీదారుడు జీవించి ఉంటే.. రూ.13.37 లక్షలు వస్తాయి. దీనికి నెలవారీ ప్రీమియం దాదాపు రూ.1900 చెల్లించాలి. అంటే రోజుకు రూ.60 ఆదా చేసుకుంటే సరిపోతుంది.

ఒకవేళ పాలసీదారుడు మరణిస్తే.. అప్పుడు నామినీకి బీమా మొత్తంతోపాటు బోసస్ కూడా అందజేస్తారు. అంతేకాకుండా పాలసీపై ఆదాయపు పన్ను చట్టంలోని సెక్షన్ 80సీ కింద పన్ను మినహాయింపు ప్రయోజనాలు కూడా లభిస్తాయి.





Untitled Document
Advertisements