రెండు కొత్త 5జీ ఫోన్లు లాంచ్ చేసిన హానర్!

     Written by : smtv Desk | Sat, Jul 04, 2020, 02:09 PM

రెండు కొత్త 5జీ ఫోన్లు లాంచ్ చేసిన హానర్!

హువావే సబ్ బ్రాండ్ హానర్ రెండు స్మార్ట్ ఫోన్లను లాంచ్ చేసింది. అవే హానర్ 30 లైట్, హానర్ ఎక్స్10 మ్యాక్స్. ఈ స్మార్ట్ ఫోన్లు చైనాలో లాంచ్ అయ్యాయి. వీటికి సంబంధించిన ప్రీ-బుకింగ్స్ కూడా ప్రారంభం అయ్యాయి. ఈ రెండిట్లోనూ ఆక్టా-కోర్ మీడియాటెక్ డైమెన్సిటీ 800 ప్రాసెసర్లను అందించారు. ఇది 22.5W ఫాస్ట్ చార్జింగ్ ను సపోర్ట్ చేస్తాయి. 5జీ ఫీచర్ కూడా ఇందులో ఉంది.

హానర్ 30 లైట్ ధర..
ఇందులో మొత్తం మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 64 జీబీ స్టోరేజ్ వేరియంట్ ధర 1,699(సుమారు రూ.18,000)గా ఉంది. 6 జీబీ ర్యామ్ + 128 జీబీ స్టోరేజ్ వేరియంట్ ధరను 1,899 యువాన్లుగానూ(సుమారు రూ.20,100), 8 జీబీ ర్యామ్ + 128 జీబీ స్టోరేజ్ వేరియంట్ ధరను 2,199 యువాన్లుగానూ(సుమారు రూ.23,300) నిర్ణయించారు. మిడ్ నైట్ బ్లాక్, ఫాంటం సిల్వర్, సమ్మర్ రెయిన్ బో, విజర్డ్ ఆఫ్ ఓజ్(గ్రీన్) రంగుల్లో ఈ ఫోన్ అందుబాటులో ఉంది.

హానర్ ఎక్స్10 మ్యాక్స్ ధర..
ఇందులో రెండు వేరియంట్లు ఉన్నాయి. 6 జీబీ ర్యామ్ + 128 జీబీ స్టోరేజ్ వేరియంట్ ధర 2,099 యువాన్లుగానూ(సుమారు రూ.22,200), 8 జీబీ ర్యామ్ + 128 జీబీ స్టోరేజ్ వేరియంట్ ధరను 2,499 యువాన్లుగానూ(సుమారు రూ.26,500) నిర్ణయించారు. లైట్ స్పీడ్ సిల్వర్, ప్రోబింగ్ బ్లాక్, రేసింగ్ బ్లూ రంగుల్లో ఈ ఫోన్ అందుబాటులో ఉంది.

హానర్ 30 లైట్ స్పెసిఫికేషన్లు
ఈ ఫోన్ స్పెసిఫికేషన్ల విషయానికి వస్తే.. ఇందులో 6.5 అంగుళాల ఫుల్ హెచ్ డీ+ ఎల్సీడీ డిస్ ప్లేను అందించారు. ఆక్టాకోర్ మీడియాటెక్ హీలియో డైమెన్సిటీ 800 ప్రాసెసర్ పై ఈ ఫోన్ పనిచేయనుంది. 8 జీబీ వరకు ర్యామ్ ను ఇందులో అందించారు. 128 జీబీ వరకు ఇంటర్నల్ స్టోరేజ్ అందుబాటులో ఉంది.

వెనకవైపు మూడు కెమెరాలను అందించారు. వీటిలో ప్రధాన కెమెరా సామర్థ్యం 48 మెగా పిక్సెల్ కాగా, 8 మెగా పిక్సెల్ వైడ్ యాంగిల్ కెమెరా, 2 మెగా పిక్సెల్ మాక్రో సెన్సార్లు కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగా పిక్సెల్ కెమెరాను అందించారు.

కనెక్టివిటీ విషయానికి వస్తే.. ఇందులో 5జీ, బ్లూటూత్ వీ5.0, వైఫై, 4జీ ఎల్టీఈ, జీపీఎస్/గ్లోనాస్/బైదు ఫీచర్లు కూడా ఉన్నాయి. 4000 ఎంఏహెచ్ బ్యాటరీని ఇందులో అందించారు. 22.5W ఫాస్ట్ చార్జింగ్ ఫీచర్ కూడా ఇందులో ఉన్నాయి. 30 నిమిషాల్లో 53 శాతం చార్జింగ్ ఎక్కుతుంది. దీని బరువు 192 గ్రాములుగా ఉంది.

హానర్ ఎక్స్10 మ్యాక్స్ స్పెసిఫికేషన్లు
ఇందులో 7.09 అంగుళాల ఫుల్ హెచ్ డీ+ ఎల్సీడీ డిస్ ప్లేను అందించారు. ఆక్టాకోర్ మీడియాటెక్ హీలియో డైమెన్సిటీ 800 ప్రాసెసర్ పైనే ఈ ఫోన్ కూడా పనిచేయనుంది. 8 జీబీ వరకు ర్యామ్ ను ఇందులో అందించారు. 128 జీబీ వరకు ఇంటర్నల్ స్టోరేజ్ అందుబాటులో ఉంది. దీన్ని 256 జీబీ వరకు పెంచుకోవచ్చు.

వెనకవైపు రెండు కెమెరాలను అందించారు. వీటిలో ప్రధాన కెమెరా సామర్థ్యం 48 మెగా పిక్సెల్ కాగా, 2 మెగా పిక్సెల్ డెప్త్ సెన్సార్ కూడా ఇందులో ఉంది. సెల్ఫీలు, వీడియో కాల్స్ కోసం ముందువైపు 8 మెగా పిక్సెల్ కెమెరాను అందించారు.

కనెక్టివిటీ విషయానికి వస్తే.. ఇందులో 5జీ, బ్లూటూత్ వీ5.0, వైఫై, 4జీ ఎల్టీఈ కూడా ఉన్నాయి. 6000 ఎంఏహెచ్ బ్యాటరీని ఇందులో అందించారు. 22.5W ఫాస్ట్ చార్జింగ్ ఫీచర్ కూడా ఇందులో ఉన్నాయి. ఇందులో సైడ్ మౌంటెడ్ ఫింగర్ ప్రింట్ సెన్సార్ ను అందించారు. దీని మందం 0.83 సెంటీమీటర్లు.





Untitled Document
Advertisements