కోటక్ కొత్త సర్వీసులు...డెబిట్ కార్డు ఉంటే వెంటనే రుణం!

     Written by : smtv Desk | Tue, Jul 07, 2020, 05:12 PM

కోటక్ కొత్త సర్వీసులు...డెబిట్ కార్డు ఉంటే వెంటనే రుణం!

ప్రముఖ ప్రైవేట్ రంగ బ్యాంక్ కోటక్ మహీంద్రా బ్యాంక్ తాజాగా తన కస్టమర్లకు తీపికబురు అందించింది. కోటక్ డెబిట్ కార్డ్స్‌పై ఈఎంఐ ఫెసిలిటీని అందిస్తామని ప్రకటించింది. ఇన్నోవిటి పీఓఎస్ టర్మినల్స్ వద్ద స్వైప్ చేసిన కార్డులకు ఈ బెనిఫిట్ వర్తి్స్తుంది.

కోటక్ మహీంద్రా బ్యాంక్ తాజా నిర్ణయంతో చాలా మందికి ఊరట కలుగనుంది. ఇప్పుడు కోటి మందికి పైగా బ్యాంక్ కస్టమర్లు వారి కొనుగోళ్లను డెబిట్ కార్డు ఈఎంఐ ఫెసిలిటీ ద్వారా సులభంగానే చెల్లించొచ్చు. దేశవ్యాప్తంగా 1000 పట్టణాల్లో 70,000కు పైగా ఇన్నోవిటి టర్మినల్స్ అందుబాటులో ఉన్నాయి.


డెబిట్ కార్డుపై సులభంగానే ఈఎంఐ ఆప్షన్ ఎంచుకోవచ్చు. దీని కోసం కస్టమర్లు క్యాషియర్‌‌కు ఈ విషయాన్ని తెలియజేస్తే సరిపోతుంది. కొనుగోలుకు ముందు ఈఎంఐ ఆప్షన్ ఎంచుకోవాలి. ఎన్ని నెలలు ఈఎంఐ ఆప్షన్ పెట్టుకుంటున్నారో చెప్పాలి. తర్వాత ట్రాన్సాక్షన్ నిర్వహించాలి. అంటే కార్డును ఇన్నోవిటీ పీఓఎస్ టర్మినల్‌లో స్వైప్ చేయాలి. వెంటనే ఇన్‌స్టంట్ లోన్ వచ్చేస్తుంది.

అయితే కోటక్ మహీంద్రా బ్యాంక్ కస్టమర్లు వారి డెబిట్ కార్డుపై ఈ ఆప్షన్ ఉందో లేదో సులభంగానే తెలుసుకోవచ్చు. 5676788 నెంబర్‌కు డీసీఈఎంఐ అని టైప్ చేసి స్పేస్ ఇచ్చి డెబిట్ కార్డు చివరి 4 అంకెలు ఎంటర్ చేసి ఎస్ఎంఎస్ పంపాలి. మీ ప్రిఅప్రూవ్డ్ లిమిట్ ఎంత ఉందో మెసేజ్ వస్తుంది. దీనికి అనుగుణంగా కార్డు ద్వారా ఈఎంఐ ఆప్షన్‌తో నచ్చిన ప్రొడక్ట్‌ను కొనుగోలు చేయొచ్చు.





Untitled Document
Advertisements