Advertisements

Untitled Document

Untitled Document

హెచ్‌డీఎఫ్‌సీ శుభవార్త: రుణ రేట్లను తగ్గిస్తూ నిర్ణయం

     Written by : smtv Desk | Tue, Jul 07, 2020, 05:47 PM

హెచ్‌డీఎఫ్‌సీ శుభవార్త: రుణ రేట్లను తగ్గిస్తూ నిర్ణయం

దేశీ ప్రైవేట్ రంగ దిగ్గజ బ్యాంక్ హెచ్‌డీఎఫ్‌సీ బ్యాంక్ తాజాగా తన కస్టమర్లకు తీపికబురు అందించింది. కీలక నిర్ణయం తీసుకుంది. మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేటు (MCLR) తగ్గించింది. రేట్ల తగ్గింపు నిర్ణయం జూలై 7 నుంచి అమలులోకి వచ్చింది.

బ్యాంక్ తాజా నిర్ణయంతో ఫ్లోటింగ్ రేటు హోమ్ లోన్ తీసుకున్న వారికి ప్రయోజనం కలుగనుంది. రుణ రేట్లు దిగిరావడంతో ఈఎంఐ భారం కూడా తగ్గుతుంది. రిజర్వు బ్యాంక్ ఆఫ్ ఇండియా (RBI) రెపో రేటును తగ్గించిన నేపథ్యంలో హెచ్‌డీఎఫ్‌సీ బ్యాంక్ కూడా ఈ మేరకు నిర్ణయం తీసుకుంది.

హెచ్‌డీఎఫ్‌సీ బ్యాంక్ తాజా రేట్ల కోత నిర్ణయంతో ఓవర్‌నైట్ ఎంసీఎల్ఆర్ 7.1 శాతానికి దిగొచ్చింది. నెలవారీ ఎంసీఎల్ఆర్ 7.15 శాతంగా, 3 నెలల ఎంసీఎల్ఆర్ 7.2 శాతంగా, 6 నెలల ఎంసీఎల్ఆర్ 7.3 శాతంగా, ఏడాది ఎంసీఎల్ఆర్ 7.45 శాతంగా, 2 ఏళ్ల ఎంసీఎల్ఆర్ 7.55 శాతంగా, మూడేళ్ల ఎంసీఎల్ఆర్ 7.65 శాతంగా ఉన్నాయి.

కాగా దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా (SBI) గత నెలలో ఎంసీఎల్ఆర్ రేటును తగ్గించిన విషయం తెలిసిందే. ఎస్‌బీఐ ఎంసీఎల్ఆర్ రేటును 25 బేసిస్ పాయింట్ల మేర తగ్గిస్తూ నిర్ణయం తీసుకుంది. ఈ నిర్ణయం జూన్ 10 నుంచి అమల్లోకి వచ్చింది. దీంతో ఎస్‌బీఐ ఏడాది ఎంసీఎల్ఆర్ 7 శాతానికి దిగొచ్చింది.




Untitled Document
Advertisements