అక్కడ ‘టిక్‌టాక్’ను బ్యాన్ చేసుకున్న చైనా

Written by : smtv Desk | Tue, Jul 07, 2020, 06:32 PM

చైనా వక్రబుద్ధిని నిరసిస్తూ ఆ దేశానికి చెందిన ‘టిక్‌టాక్’తోపాటు 59 యాప్‌లను ఇండియా బ్యాన్ చేసిన సంగతి తెలిసిందే. ఇండియా తీసుకున్న నిర్ణయం వల్ల ఇప్పటికే ‘టిక్‌టాక్’ మాతృ సంస్థకు 6 బిలియన్ల డాలర్ల నష్టం ఏర్పడింది. అమెరికా కూడా ఇదే బాటలో నడస్తుండంతో మున్ముందు మరింత నష్టపోయే అవకాశం ఉంది. అయితే, ఈసారి చైనాయే ‘టిక్‌టాక్’కు ఊహించని షాకిచ్చింది. స్వయంప్రతిపత్తి కలిగిన ‘

హాంగ్‌కాంగ్’లో ‘టిక్‌టాక్’ను బ్యాన్ చేసింది. అదేంటీ.. చైనాయే ఆ యాప్‌ను బ్యాన్ చేయడమేంటీ? అని అనుకుంటున్నారా? అయితే చూడండి.

దేశ విస్తరణ దాహంతో రగిలిపోతున్న చైనా.. ఇటీవల హాంకాంగ్ స్వయంప్రతిపత్తిని కాల‌రాస్తూ పార్లమెంటులో జాతీయ భద్రత చట్టానికి ఆమోదం తెలిపింది. దీంతో హాంగ్‌కాంగ్ పౌరులు తీవ్ర నిరసన వ్యక్తం చేస్తున్నారు. రోడ్లపైకి ఆందోళనలకు దిగుతున్నారు. సోషల్ మీడియా వేదికగా చైనాను తిట్టిపోస్తున్నారు. చైనాకు చెందిన టిక్‌టాక్‌లోనే ఆ దేశానికి వ్యతిరేకంగా వీడియోలు చేస్తూ చుక్కలు చూపిస్తున్నారు. ఈ విషయం చైనా ప్రభుత్వానికి కూడా చేరడంతో.. హాంగ్‌కాంగ్‌లో ‘టిక్‌టాక్’ యాప్ సేవలను నిలిపేయాలని ఆదేశించింది. దీంతో ‘టిక్‌టాక్’.. హాంగ్‌కాంగ్‌లో తమ సేవలు నిలిపేస్తున్నామని ప్రకటించింది. ఈ నిర్ణయం వల్ల వల్ల టిక్‌టాక్ అక్కడ 1.50 లక్షల మంది యూజర్లను కోల్పోనుంది.