నందమూరి నటసింహం బాలకృష్ణ అప్కమింగ్ మూవీలో ముంబై మోడల్ని హీరోయిన్గా తీసుకున్నారని తెలుస్తోంది. బోయపాటి శ్రీను దర్శకత్వంలో రూపొందుతోన్న ఈ సినిమా కోసం హీరోయిన్ వేట ప్రారంభించిన చిత్ర యూనిట్.. బాలయ్య సరసన ముంబై మోడల్ని ఫైనల్ చేసిందట. ప్రస్తుతం ఆమెతో సంప్రదింపులు జరుగుతున్నాయని టాక్.
మొదట ఈ మూవీలో సీనియర్ హీరోయిన్ని తీసుకోవాలని ప్లాన్ చేసిన దర్శకనిర్మాతలు.. శ్రీయ, నయనతార లాంటి హీరోయిన్ల పేర్లు పరిశీలించినట్లు వార్తలు విన్నాం. కానీ అలాంటిదేమీ లేదని, ఈ సినిమా కోసం కొత్త హీరోయిన్ని తీసుకోవాలని ప్లాన్ చేస్తున్నట్లు బోయపాటి చెప్పారు. చెప్పినట్లుగానే అందమైన ముంబై మోడల్ని ఆయన ఫైనల్ చేసినట్లు విశ్వసనీయ వర్గాల సమాచారం. అంతేకాదు ఆమెతో నేటితరం ప్రేక్షకులు కోరుకునే రొమాంటిక్ సీన్స్ కూడా రూపొందించబోతున్నారట బోయపాటి.
ఇకపోతే బాలకృష్ణ- బోయపాటి సక్సెస్ఫుల్ కాంబోలో హాట్రిక్ మూవీగా ఈ సినిమాను ప్రేక్షకుల ముందుకు తీసుకురానున్నారు. బాలయ్య కెరీర్లో 106వ సినిమాగా తెరకెక్కుతున్న ఈ చిత్రాన్ని మిర్యాల రవీందర్రెడ్డి నిర్మిస్తున్నారు. థమన్ బాణీలు కడుతున్నారు. చిత్రంలో బాలయ్య మీకోవర్ సరికొత్తగా ఉంటుందని, ఆయన అఘోరాగా కనిపించనున్నారని సమాచారం.
ఇటీవలే బాలయ్య బర్త్ డే సందర్భంగా ఈ మూవీ నుంచి విడుదల చేసిన ‘బీబీ3 ఫస్ట్ రోర్’ నందమూరి అభిమానులను హుషారెత్తించింది. బోయపాటి మార్క్ చూపిస్తూ బాలయ్య చేత చెప్పించిన ఊరమాస్ డైలాగ్ సినిమాపై భారీ అంచనాలు నెలకొల్పింది. అదే రేంజ్లో రొమాంటిక్ డోస్, సాంగ్స్ కూడా ఉండేలా ప్లాన్ చేశారట బోయపాటి. ఈ చిత్రానికి ''మోనార్క్, సూపర్ మ్యాన్'' అనే పేర్లు పరిశీలనలో ఉన్నాయి.