ఆన్ లైన్ లో నోకియా 5310 మొబైల్ సేల్ స్టార్ట్

Written by : smtv Desk | Mon, Aug 10, 2020, 10:29 PM

ప్రముఖ స్మార్ట్ ఫోన్ బ్రాండ్ నోకియా తన 5310 మొబైల్ ను జూన్ లో మనదేశంలో లాంచ్ చేసిన సంగతి తెలిసిందే. అయితే ఈ ఫోన్ కు సంబంధించిన సేల్ ఇప్పటివరకు ఆన్ లైన్ లో మాత్రమే జరిగింది. ఇప్పుడు దీన్ని ఆఫ్ లైన్ లో కూడా అందుబాటులోకి నోకియా తీసుకువచ్చింది. గతంలో లాంచ్ అయిన నోకియా 5310 ఎక్స్ ప్రెస్ మ్యూజిక్ కు అప్ గ్రేడెడ్ వెర్షన్ గా ఈ ఫోన్ అందుబాటులోకి వచ్చింది.

ఈ ఫోన్ ధరను రూ.3,399గా నిర్ణయించారు. బ్లాక్/రెడ్, వైట్/రెడ్ రంగుల్లో ఈ ఫోన్ లాంచ్ అయింది. ఈ ఫోన్ ఇప్పటివరకు కేవలం ఆన్ లైన్ లో మాత్రమే కొనుగోలు చేయవచ్చు. ఇప్పుడు దీన్ని ఆఫ్ లైన్ స్టోర్లలోకి కూడా నోకియా అందుబాటులోకి తీసుకువచ్చింది.

ఇందులో 2.4 అంగుళాల క్యూవీజీఏ డిస్ ప్లేను అందించారు. డ్యూయల్ ఫ్రంట్ ఫేసింగ్ స్పీకర్, ఫిజికల్ కీప్యాడ్ లు ఫోన్ ముందుభాగంలో ఉన్నాయి. ఇందులో డ్యూయల్ సిమ్ ఫీచర్ ఉంది. ఫోన్ వెనకభాగంలో వీజీఏ కెమెరా, ఎల్ఈడీ ఫ్లాష్ ను అందించారు.

మీడియాటెక్ ఎంటీ6260ఏ ప్రాసెసర్ పై ఈ ఫోన్ పనిచేయనుంది. 8 ఎంబీ ర్యామ్, 16 ఎంబీ స్టోరేజ్ ను ఇందులో అందించారు. మైక్రో ఎస్ డీ కార్డు ద్వారా 32 జీబీ వరకు స్టోరేజ్ ను పెంచుకునే అవకాశం ఉంది. నోకియా సిరీస్ 30+ సాఫ్ట్ వేర్ ఇందులో అందుబాటులో ఉంది.

బ్లూటూత్ వీ3.0, మైక్రో యూఎస్ బీ పోర్టు, 3.5 ఎంఎం హెడ్ ఫోన్ జాక్ లను ఇందులో అందించారు. వైర్ లెస్ ఎఫ్ఎం సపోర్ట్ కూడా ఇందులో ఉంది. ఒకసారి పూర్తిగా చార్జ్ చేస్తే 20 గంటల టాక్ టైం, 22 గంటల స్టాండ్ బై టైం లభిస్తుందని నోకియా తెలిపింది. దీని బరువు 88.2 గ్రాములుగా ఉంది.