రివర్స్‌లో హెలికాప్టర్ షాట్.. వీడియో వైరల్

Written by : smtv Desk | Wed, Aug 12, 2020, 11:12 AM

భారత మాజీ కెప్టెన్ మహేంద్రసింగ్ ధోనీ దశబ్దాన్నర క్రితం హెలికాప్టర్ షాట్‌ని క్రికెట్ ప్రపంచానికి పరిచయం చేయగా.. అప్పటి నుంచి చాలా మంది ఆ షాట్‌‌ని ఆడేందుకు ప్రయత్నించారు. కానీ.. ఓ ఇద్దరు క్రికెటర్లు మాత్రమే ధోనీ తరహాలో పర్‌ఫెక్ట్‌గా ఆ షాట్ ఆడగలిగారు. అందులో మొదట టీమిండియా ఆల్‌రౌండర్ హార్దిక్ పాండ్య ఉండగా.. అఫ్గానిస్థాన్ స్పిన్ సంచలనం రషీద్ ఖాన్ రెగ్యులర్‌గా

హెలికాప్టర్ షాట్ ఆడుతూ కనిపిస్తున్నాడు. కానీ.. తాజాగా పాకిస్థాన్‌కి చెందిన ఓ ప్లేయర్.. స్ట్రీట్ క్రికెట్‌లో అదీ రివర్స్‌లో హెలికాప్టర్ షాట్ ఆడేసి అందర్నీ ఆశ్చర్యపరిచాడు. ప్రస్తుతం ఈ వీడియో సోషల్ మీడియాలో వైరల్‌గా మారింది.

ఫాస్ట్ బౌలర్ కాళ్ల వద్ద యార్కర్‌ని సంధించబోతున్నట్లు ముందుగానే ఊహించిన సదరు బ్యాట్స్‌మెన్.. ఆ మేరకు రివర్స్ హెలికాప్టర్‌ షాట్‌కి సిద్ధమైపోయాడు. బంతి కాళ్ల మధ్య పడగానే.. ఒక కాలిని పైకెత్తి 'రివర్స్ లాప్ట్' షాట్ ఆడేశాడు. బంతి చక్కగా బ్యాట్‌కి కనెక్ట్ కావడంతో.. స్లిప్‌లో వేగంగా దూసుకెళ్లిన బంతి సిక్స్ రూపంలో బౌండరీ లైన్ వెలుపల పడింది. అక్కడే ఉన్న ఫీల్డర్ ఆ బంతిని క్యాచ్‌గా అందుకునేందుకు గాల్లోకి ఎగిరినా.. ఫలితం లేకపోయింది. స్లో మోషన్‌లో పరికించి చూస్తే..? అది పక్కాగా రివర్స్ హెలికాప్టర్ షాట్.

What on earth have I just seen????

Reverse lofted Natmeg helicopter shot I suppose. pic.twitter.com/f8bW4BATpO
— Jarrod Kimber (@ajarrodkimber) August 10, 2020

ఐపీఎల్ 2020 సీజన్ యూఏఈ వేదికగా సెప్టెంబరు 19 నుంచి నవంబరు 10 వరకూ జరగనుండగా.. 8 జట్లు పోటీపడుతున్న ఈ టోర్నీలో ప్రపంచవ్యాప్తంగా ఉన్న అగ్రశ్రేణి క్రికెటర్లు పోటీపడనున్నారు. దాంతో.. భిన్నమైన షాట్ల ప్రయోగానికి ఐపీఎల్ మంచి వేదికగా ఆటగాళ్లు భావిస్తారు. ఐపీఎల్ 2019 సీజన్‌లో ధోనీ ముందే హెలికాప్టర్ షాట్ ఆడిన హార్దిక్ పాండ్యా.. ఎలా ఉంది ధోనీ భాయ్ అని అడగడం విశేషం.