బిగ్ బాస్‌లోకి కొరియోగ్రాఫర్ జానీ మాస్టర్?!

     Written by : smtv Desk | Fri, Aug 14, 2020, 04:14 PM

బిగ్ బాస్‌లోకి కొరియోగ్రాఫర్ జానీ మాస్టర్?!

మొత్తానికి బిగ్ బాస్ ఆట మొదలుపెట్టేందుకు అన్ని ఏర్పాట్లు పూర్తి కావడంతో.. త్వరలో బిగ్ బాస్ సీజన్ 4 ప్రారంభం కాబోతుంది. కరోనా నేపథ్యంలో అన్ని సీజన్ల కంటే కూడా సీజన్ 4 ఆలస్యంగా ప్రారంభం కాబోతుంది. తొలి సీజన్ 2017 జూలై 1 ప్రారంభం కాగా.. సీజన్ 2 ఒకనెల ముందుగానే అంటే జూన్ 10నే ప్రారంభమైంది. ఇక సీజన్ 3 మళ్లీ జూలై 21కి వెళ్లింది. మొత్తానికి జూన్-జూలై నెలల్లో ప్రారంభమ్యే బిగ్ బాస్.. ఈసారి ఆగష్టుకి వెళ్లింది. ఆగష్టు 29-30 తారీఖున బిగ్ సీజన్ 4 ప్రారంభమయ్యే అవకాశాలు కనిపిస్తుండగా.. పెడింగ్ పనులతో సెప్టెంబర్ మొదటి రెండో వారాలకు వాయిదా పడినా ఆశ్చర్యపడాల్సిన పనిలేదు.

ఇక హోస్ట్ నాగార్జున వెరైటీ గెటప్‌లతో ప్రోమోలు వదులుతూ షోపై ఆసక్తి పెంచేస్తున్నారు. పండు ముసలి గెటప్‌లో ఆయన లుక్ సోషల్ మీడియాలో వైరల్ అవుతోంది. గోపీ అంటూ గోడచాటు పిల్లిలా బిగ్ బాస్ హౌస్‌లో ఏం జరుగుతుందోనని చూస్తున్న టీజర్ రీసెంట్‌గా విడుదలైంది.

ఇక హోస్ట్ ఎలాగూ కన్ఫార్మ్ అయిపోవడమే కాదు.. ప్రోమోలతో బిగ్ బాస్‌కి హైప్ తీసుకువస్తుండగా.. ఈ సీజన్‌లో పాల్గొనబోయే కంటెస్టెంట్స్ ఎవరన్నదానిపై ప్రేక్షకుల్లో ఆసక్తి మొదలైంది. అన్ని సీజన్‌ల కంటే భిన్నంగా ఈసారి సెలక్షన్స్ జరగడంతో కంటెస్టెంట్స్ పేర్లు బయటకు రావడంలేదు. అయితే సోషల్ మీడియాలో 16 మంది లిస్ట్ ఒకటి వైరల్ అవుతోంది. పూనమ్ భజ్వా, మంగ్లీ, నందు, అఖిల్ సార్థక్, మహాతల్లి, నోయల్, టీవీ 9 యంకర్ ఇలా కొంతమంది పేర్లు ప్రముఖంగా వినిపిస్తుండగా.. టాలీవుడ్ స్టార్ కొరియోగ్రాఫర్ జానీ మాస్టర్ పేరు ఈ లిస్ట్‌లోకి చేరింది.

బుట్టబొమ్మ లాంటి బ్లాక్ బస్టర్ హిట్ సాంగ్స్‌తో టాలీవుడ్‌లోనే స్టార్ కొరియోగ్రాఫర్‌గా ఉన్న జానీ మాస్టర్ బిగ్ బాస్‌లోకి వస్తున్నట్టుగా ప్రచారం జరుగుతోంది. గతంలో జబర్దస్త్, లోకల్ గ్యాంగ్, ఢీ తదితర షోలతో పాటు.. ఎన్నో టీవీ కార్యక్రమాలకు గెస్ట్‌గా వెళ్లి బుల్లితెర ప్రేక్షకులకు చేరువైన జానీ మాస్టర్‌ని బిగ్ బాస్ హౌస్‌కి తీసుకువచ్చేందుకు నిర్వాహకులు సంప్రదించినట్టు తెలుస్తోంది. అయితే వరుస సినిమాలతో బిజీగా ఉన్న జానీ మాస్టర్.. బిగ్ బాస్ వంటి రచ్చ రంబోలా షోకి వస్తారా? అంటే అనుమానంగానే ఉంది. పైగా ఆయన యాటిట్యూట్‌కి బిగ్ బాస్ అస్సలు సూట్ కాదు.. గతంలో ‘ఢీ’ షోకి కొరియోగ్రాఫర్ బృంద జడ్జీగా ఉన్నప్పుడు ఆమె జడ్జిమెంట్ నచ్చక.. ఆ షో నుంచే బయటకు వచ్చేశారు జానీ మాస్టర్. ఆ తరువాత తనను తాను నిరూపించుకుని అదే ఢీ షోకి జడ్జిగా వెళ్లారు జానీ.

అయితే జానీ మాస్టర్ బిగ్ బాస్‌కి వెళ్తే పవన్ అభిమానుల సపోర్ట్ ఫుల్‌గానే ఉంటుంది. ఎందుకంటే జానీ మాస్టర్.. పవన్ కళ్యాణ్‌కి వీరాభిమాని. అంతేకాదు.. తరచూ పవన్ కళ్యాణ్‌ని స్టైల్‌ని ఇమిటేట్ చేస్తూ ఫ్యాన్స్‌ని ప్రసన్నం చేసుకుంటుంటారు జానీ మాస్టర్. ఇక అల్లు అర్జున్‌తో పాటు.. రామ్ చరణ్‌తోనూ మంచి అనుబంధం ఉండటంతో మెగా ఫ్యాన్స్ జానీ మాస్టర్‌‌కి సపోర్ట్ అందిస్తారానడంలో ఎలాంటి సందేహం లేదు. మొత్తానికి ఇవన్నీ జరగాలంటే ముందు ఆయన బిగ్ బాస్ షో‌లో అడుగుపెట్టాలి కదా..!





Untitled Document
Advertisements