బంగారం కొనేందుకు రెడీ అవుతున్నారా? రూ.5,200 పతనమైన పసిడి!!!

Written by : smtv Desk | Sun, Sep 20, 2020, 01:31 PM

పండుగ సీజన్ వస్తోంది. బంగారం కొనుగోలు చేయాలని ప్లాన్ చేస్తున్నారా? అది కూడా ఇప్పుడే బంగారం కొంటే మేలా? లేదంటే ఇంకొంత కాలం ఆగి పసిడి కొనుగోలు చేస్తే బాగుంటుందా? అని ఆలోచిస్తున్నారా? రానున్న రోజుల్లో బంగారం ధర తగ్గుతుందో.. లేదంటే పెరుగుతుందో తెలియడం లేదా? అయితే మీరు ఈ విషయం తెలుసుకోవాలి.

బంగారం ధర గత నెలలో ఆల్‌టైమ్ గరిష్ట స్థాయికి చేరింది. ఆగస్ట్ 7న 10 గ్రాముల 24 క్యారెట్ల బంగారం ధర రూ.59,130కు ఎగసింది. అలాగే 22 క్యారెట్ల బంగారం ధర కూడా 10 గ్రాములకు రూ.54,200 స్థాయికి ఎగసింది. ఇప్పుడు బంగారం ధర భారీగా దిగొచ్చింది. ప్రస్తుతం 24 క్యారెట్ల బంగారం ధర 10 గ్రాములకు రూ.53,850 వద్ద ఉంది. 22 క్యారెట్ల బంగారం ధర 10 గ్రాములకు రూ.49,370 వద్ద కదలాడుతోంది. అంటే గత నెలతో పోలిస్తే పసిడి ధర రూ.5 వేలకు పైగా పడిపోయింది.

బంగారం ధర బాటలోనే వెండి ధర కూడా నడిచింది. వెండి ధర కూడా భారీగా పడిపోయింది. వెండి ధర కేజీకి ప్రస్తుతం రూ.68,500 వద్ద ఉంది. ఆగస్ట్ నెలలో 7న కేజీ వెండి ధర రూ.76,510కు ఎగసింది. అంటే అప్పటితో పోలిస్తే బంగారం ధర ఇప్పుడు రూ.8 వేలకు పైగా పడిపోయిందని చెప్పుకోవచ్చు.

అంటే గత నెలతో పోలిస్తే ఇప్పుడు బంగారం, వెండి ధరలు భారీగా పెరిగాయని చెప్పుకోవచ్చు. అయితే బంగారం ధర ఇంకా రూ.53 వేలకు పైనే ఉంది. ఈ రేటు ఎక్కువనే చెప్పాలి. ఇలాంటి పరిస్థితుల్లో ఇప్పుడు బంగారం కొనాలా? లేదా? అనే విషయాన్ని తెలుసుకుందాం. భారీగా తగ్గింది కదా అని కొంటే మంచిదా? ఇంకా ఆగితే బంగారం ధర మరింత తగ్గుతుందా? లేదంటే పైకి చేరుతుందా? తెలుసుకుందాం.

బంగారం ధర రానున్న కాలంలో పెరిగే అవకాశముందని బులియన్ మార్కెట్ నిపుణులు అంచనా వేస్తున్నారు. వచ్చే మూడు నెలలో బంగారం ధర 10 గ్రాములకు మళ్లీ రూ.56,000 స్థాయికి చేరొచ్చని పేర్కొంటున్నారు. అమెరికా ఆర్థిక వ్యవస్థపై కోవిడ్ 10 ప్రభావం కొనసాగుతోందని, అలాగే వడ్డీ రేట్లు ఇంకా తక్కువ స్థాయిల్లోనే ఉన్నాయని, ఇంకా అమెరికా ఎన్నికలు దగ్గరకు వస్తున్నాయని, ఈ సమయంలో ట్రంప్ చైనా వ్యతిరేక నిర్ణయాలు తీసుకోవచ్చని నిపుణులు అభిప్రాయపడుతున్నారు. ఇవ్వన్నీ బంగారం ధరకు మద్దతునిచ్చే అంశాలని తెలిపారు.