పార్లమెంట్‌లో సెక్యూరిటీ కోడ్ 2020...ఇక ఏడాదికే ఆ డబ్బులు చేతికి?

కేంద్ర ప్రభుత్వం ఉద్యోగులకు శుభవార్త అందించింది. మోదీ సర్కార్ శీతాకాల పార్లమెంట్ సమావేశాల్లో కార్మిక సంస్కరణల్లో భాగంగా మూడు బిల్లులను ప్రవేశపెట్టింది. ఆక్యూపెషనల్ సేఫ్టీ హెల్త్ అండ్ వర్కింగ్ కండీషన్ కోడ్ 2020, ఇండస్ట్రీయల్ రిలేషన్స్ కోడ్ 2020 (సోషల్ రెగ్యులేషన్ కోడ్ 2020), సోషల్ సెక్యూరిటీ కోట్ 2020 అనేవి ఇవి.

సోషల్ సెక్యూరిటీ కోడ్‌కు చాలా నిబంధనలను జోడించారు. గ్రాట్యుటీకి సంబంధించిన నిబంధనలను కూడా ఉన్నాయి. అంటే ఉద్యోగుల గ్రాట్యుటీకి సంబంధించిన రూల్స్ కూడా మారబోతున్నాయి. వీటి ప్రకారం గ్రాట్యుటీ డబ్బలను ఐదేళ్లకు కాకుండా ఏడాదికే పొందొచ్చు. దీంతో ఉద్యోగులకు ఊరట కలుగనుంది.

కంపెనీలో ఐదేళ్లు పనిచేస్తేనే ప్రస్తుతం గ్రాట్యూటీ ఇస్తున్నారు. అయితే రానున్న రోజుల్లో ఏడాది పని చేసిన కూడా గ్రాట్యుటీ పొందొచ్చు. అయితే ఇది అందరికీ వర్తించదు. నిర్ణీత కాలం వరకు అంటే ఫిక్స్‌డ్ టర్మ్‌ ఉద్యోగం కోసం తీసుకునే వారికి కూడా గ్రాట్యుటీ లభిస్తుంది. అంటే కాంట్రాక్ట్ ఉద్యోగులకు కూడా గ్రాట్యుటీ వస్తుంది. వాళ్లు కాంట్రాక్ట్ ఉన్నంత వరకు ఈ ప్రయోజనం పొందొచ్చు. నిర్ణీత కాలం పనిచేస్తేనే గ్రాట్యూటీ వస్తుందనే నిబంధనలు ఏమీ లేవు.

పార్లమెంట్‌లో ప్రవేశపెట్టిన తర్వాత లోక్ సభ, రాజ్య సభ రెండింటిలోనూ సోషల్ సెక్యూరిటీ కోడ్ 2020 ఆమోదం పొందిన తర్వాత చట్టం రూపొందుతుంది. ఇది అమలులోకి వచ్చిన తర్వాతి నుంచి కొత్త రూల్స అమలులోకి వస్తాయి. తర్వలోనే ఈ కొత్త రూల్స్ అమలులోకి వచ్చే అవకాశముంది. పర్మనెంట్, రెగ్యులర్ ఉద్యోగులు మాత్రం కనీసం ఐదేళ్లు పనిచేయాలి. అప్పుడు గ్రాట్యుటీ వస్తుంది. ఇక వర్కింగ్ జర్నలిస్ట్‌లు మూడేళ్లు పని చేసినా గ్రాట్యుటీ పొందొచ్చు. సీజనల్ వర్కర్లకు అయితే ప్రతి సీజన్‌కు ఏడు రోజుల వేతనాన్ని గ్రాట్యుటీగా అందిస్తారు.

ఉద్యోగులకు శాలరీ, పెన్షన్, ప్రావిడెంట్ ఫండ్ (PF) మాత్రమే కాకుండా కంపెనీ నుంచి గ్రాట్యుటీ కూడా లభిస్తుంది. ప్రతి నెలా ఉద్యోగుల వేతనం నుంచి గ్రాట్యుటీ కట్ అవుతూ వస్తుంది. ప్రస్తుత రూల్స్ ప్రకారం ఒక కంపెనీలో ఉద్యోగి కనీసం ఐదేళ్లు పని చేస్తేనే గ్రాట్యుటీ వస్తోంది. ముందుగానే ఉద్యోగం మారితే మాత్రం ఈ డబ్బులు రావడ లేదు. దీంతో ఉద్యోగులు నష్టపోతున్నారు. కంపెనీలో పది మంది కన్నా ఎక్కువ ఉద్యోగులు ఉంటే గ్రాట్యుటీ రూల్స్ వర్తిస్తాయి.