కొత్త స్కీమ్ అందుబాటులోకి...రూ.లక్ష గెలుచుకునే ఛాన్స్

Written by : smtv Desk | Mon, Sep 21, 2020, 06:44 PM

గూడ్స్ అండ్ సర్వీస్ ట్యాక్స్ నెట్‌వర్క్ (GSTN) తాజాగా అదిరిపోయే స్కీ్మ్ అందుబాటులోకి తీసుకువచ్చింది. పన్ను చెల్లింపుదారులు లక్ష్యంగా జీఎస్‌టీఎన్ ఈ కాంటెస్ట్ స్కీమ్‌ను ఆవిష్కరించింది. జీఎస్‌టీ ఎన్ యూ GST n You పేరుతో కాంటెస్ట్ స్కీమ్‌ను తీసుకువచ్చింది. ఇందులొ పాల్గొని గెలిచిన వారికి అదిరిపోయే బహుమతులు లభిస్తాయి.

జీఎస్‌టీ సంస్కరణలు, ఇటీవలి కార్యక్రమాలపై వీడియోలు, గ్రాఫిక్స్ చేయాల్సి ఉంటుంది. పన్ను వ్యవస్థ గురించి పన్ను చెల్లింపుదారులకు పూర్తిగా తెలియజేయాలనే లక్ష్యంతో జీఎస్‌టీఎన్ ఈ కొత్త స్కీమ్‌ను తీసుకువచ్చింది. గెలిచిన వారికి రూ.లక్ష క్యాష్ ప్రైజ్ లభిస్తుంది. రెండో స్థానంలో ఉన్న వారికి రూ.50,000, మూడో స్థానంలో ఉన్న వారికి రూ.10 వేలు లభిస్తాయి.

లక్ష రూపాయలు ఒకరికే లభిస్తాయి. రూ.50 వేలు నలుగురు గెలుకోవచ్చు. అంటే నలుగురికి ఒక్కొక్కరికి రూ.50 వేల చొప్పున లభిస్తాయి. 20 మందికి ఒక్కొక్కరికి రూ.10 వేల చొప్పున అందిస్తారు. క్రియేటివ్‌గా తయారు చేసిన వీడియోలు క్యాష్ రివార్డ్ మాత్రమే కాకుండా పబ్లిసిటీ కూడా లభిస్తుంది. అంటే ప్రభుత్వపు పబ్లిక్ ఎడ్యుకేషన్, అవగాహన కార్యక్రమాల్లో మీ వీడియోలను ఉపయోగిస్తారు. జీఎస్‌టీ లాటరీ మాదిరిగానే ఈ కొత్త స్కీమ్ కూడా ఉందని చెప్పుకోవచ్చు.

జీఎస్‌టీఎన్ ఇప్పుడు జీఎస్‌టీ ఎన్ యూ కార్యక్రమం కింద ఎంట్రీస్ ఆహ్వానిస్తోంది. యానిమేషన్, ట్యూటోరియల్స్, షార్ట్ ఫిల్స్ వంటివి చేసి పంపాలి. వీడియో నిడివి 30 సెకన్ల నుంచి 120 సెకన్లు ఉండాలి. జీఎస్‌టీ- వన్ నేషన్, వన్ ట్యాక్స్, వన్ మార్కెట్.. జీఎస్‌టీ అండ్ ఎంఎస్ఎంఈలపై ట్యాక్స్ తగ్గింపు.. జీఎస్‌టీ పోర్టల్‌లో రిజిస్టర్ ఎలా చేసుకోవాలి ఇలా మీకు నచ్చిన టాపిక్‌పై వీడియో చేయొచ్చు.

మీరు చేసిన వీడియోలను gstnmedia@gstn.org.inకు మెయిల్ చేయాలి. దీనికి అక్టోబర్ 15 వరకు గడువు ఉంది. కాపీ కొట్టి వీడియోలు చేస్తే అవి పరిగణలోకి తీసుకోరు. సొంత వీడియోలు చేసిన వారికి మాత్రమే గెలిచే ఛాన్స్ ఉంటుంది. టాప్‌లో నిలిచే ఛాన్స్ ఉంటుంది. కాగా గెలిచిన వారికి డబ్బులు నేరుగా బ్యాంక్ అకౌంట్‌లోకి వచ్చి చేరతాయి.