వీ20 సిరీస్‌లో రెండు ఫోన్లు లాంచ్ చేసిన వివో

వివో వీ20, వివో వీ20 ప్రో స్మార్ట్ ఫోన్లు ఎట్టకేలకు థాయ్‌ల్యాండ్‌లో లాంచ్ అయ్యాయి. ఈ రెండిట్లోనూ వెనకవైపు మూడు కెమెరాలు అందించారు. వీటి డిజైన్ చాలా సన్నగా ఉంది. ఈ ఫోన్ వెనకభాగం చూడటానికి వివో ఎక్స్50 తరహాలో ఉన్నాయి. వివో వీ20 ప్రోలో డ్యూయల్ సెల్ఫీ కెమెరా సెటప్, క్వాల్ కాం స్నాప్ డ్రాగన్ 765జీ ప్రాసెసర్‌ను అందించారు. ఇక వివో వీ20లో ముందువైపు సింగిల్ సెల్ఫీ కెమెరా, క్వాల్ కాం స్నాప్ డ్రాగన్ 720జీ ప్రాసెసర్‌ను అందించారు. వివో వీ20 ప్రోలో 5జీ సపోర్ట్ కూడా ఉంది.

వివో వీ20, వీ20 ప్రో ధర
వివో వీ20 ధరను 14,999 థాయ్‌ల్యాండ్ బాత్‌లుగా(సుమారు రూ.35,300) నిర్ణయించారు. దీనికి సంబంధించిన సేల్ అక్కడ సెప్టెంబర్ 30వ తేదీ నుంచి ప్రారంభం కానుంది. మూన్ లైట్ సొనాటా, మిడ్ నైట్ జాజ్, సన్ సెట్ మెలొడీ రంగుల్లో ఈ ఫోన్ కొనుగోలు చేయవచ్చు. వివో వీ20 ధరను ఇంకా ప్రకటించలేదు. అయితే ఈ ఫోన్ సన్ సెట్ మెలొడీ, మిడ్ నైట్ జాజ్ రంగుల్లో అందుబాటులో ఉంది. ఈ ఫోన్లు మనదేశంలో ఎప్పుడు లాంచ్ అవుతాయో కూడా తెలియరాలేదు.

వివో వీ20 ప్రో స్పెసిఫికేషన్లు
ఇందులో 6.44 అంగుళాల ఫుల్ హెచ్ డీ+ అమోఎల్ఈడీ డిస్ ప్లేను అందించారు. దీని యాస్పెక్ట్ రేషియో 20:9గా ఉంది. ఆక్టాకోర్ క్వాల్ కాం స్నాప్ డ్రాగన్ 765జీ ప్రాసెసర్ పై ఈ ఫోన్ పనిచేయనుంది. 8 జీబీ ర్యామ్, 128 జీబీ స్టోరేజ్ ను ఇందులో అందించారు.

ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరాగా 64 మెగా పిక్సెల్ శాంసంగ్ ఐసోసెల్ సెన్సార్ ను అందించడం విశేషం. దీంతోపాటు 8 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ మోనోక్రోమ్ సెన్సార్ కూడా ఉన్నాయి. సెల్ఫీల కోసం రెండు కెమెరాలను ముందువైపు అందించారు. వీటిలో ప్రధాన కెమెరా సామర్థ్యం 44 మెగా పిక్సెల్ కాగా, దీంతోపాటు 8 మెగా పిక్సెల్ అల్ట్రా వైడ్ యాంగిల్ లెన్స్ కూడా ఉన్నాయి.

ఆండ్రాయిడ్ 10 ఆధారిత ఫన్‌టచ్ ఓఎస్ 11 ఆపరేటింగ్ సిస్టంపై వివో వీ20 ప్రో పనిచేయనుంది. ఇన్ డిస్ ప్లే ఫింగర్ ప్రింట్ సెన్సార్ ను ఇందులో అందించారు. 5జీ, 4జీ, వైఫై, బ్లూటూత్, జీపీఎస్/ఏ-జీపీఎస్, యూఎస్ బీ టైప్-సీ పోర్టు వంటి ఫీచర్లను ఇందులో అందించారు. దీని బ్యాటరీ సామర్థ్యం 4000 ఎంఏహెచ్ గా ఉంది. 33W ఫాస్ట్ చార్జింగ్ ను ఇది సపోర్ట్ చేయనుంది. దీని మందం 0.74 సెంటీమీటర్లుగానూ, బరువు 170 గ్రాములుగానూ ఉంది.

వివో వీ20 స్పెసిఫికేషన్లు
ఈ ఫోన్ కూడా ఆండ్రాయిడ్ 10 ఆధారిత ఫన్ టచ్ ఓఎస్ 11 ఆపరేటింగ్ సిస్టంపైనే పనిచేయనుంది. ఇందులో క్వాల్ కాం స్నాప్ డ్రాగన్ 720జీ ప్రాసెసర్‌ను అందించారు. ఇందులో వెనకవైపు మూడు కెమెరాల సెటప్ ఉంది. వీటిలో ప్రధాన కెమెరాగా 64 మెగా పిక్సెల్ కెమెరాను అందించారు. ముందువైపు 44 మెగా పిక్సెల్ సెల్పీ కెమెరా ఉంది. ఇందులో 4000 ఎంఏహెచ్ బ్యాటరీని అందించారు. 33W ఫాస్ట్ చార్జింగ్‌ను అందించారు. దీని మందం 0.74 సెంటీమీటర్లుగానూ, బరువు 171 గ్రాములుగానూ ఉంది. దీనికి సంబంధించిన పూర్తి స్పెసిఫికేషన్లు ఇంకా తెలియాల్సి ఉంది.