'ఆదిపురుష్' : ప్రభాస్‌తో పాటు మరో సౌత్ ఇండియన్ నటుడు

ప్రభాస్ హీరోగా మరో భారీ సినిమా రాబోతోంది. బాలీవుడ్ దర్శకుడు ఓం రౌత్ దర్శకత్వంలో తెరకెక్కనున్న ఈ సినిమాకు 'ఆదిపురుష్' అనే టైటిల్ ఫిక్స్ చేసి అఫీషియల్ అనౌన్స్‌మెంట్ చేశారు. ఇక ఆ క్షణం నుంచి ఈ మూవీ అప్‌డేట్స్ కోసం ఆతృతగా ఎదురుచూస్తున్నారు ప్రేక్షకులు. దీంతో షూటింగ్‌ ప్రారంభించక ముందే ఈ మూవీపై ఓ రేంజ్ అంచనాలు నెలకొన్నాయి. ముఖ్యంగా ఇందులో నటించనున్న నటీనటులు ఎవరు? ప్రభాస్ ఎవరెవరితో స్క్రీన్ షేర్ చేసుకుంటారనేది జనాల్లో ఆసక్తికరంగా మారింది. ఈ నేపథ్యంలోనే తాజాగా బయటకొచ్చిన సమాచారం మేరకు ప్రభాస్‌తో మరో సౌత్ ఇండియన్ స్టార్ 'ఆదిపురుష్'లో భాగం కానున్నాడని తెలుస్తోంది.

పౌరాణిక నేపథ్యంలో తెరకెక్కనున్న ఈ చిత్రంలో ప్రభాస్ రాముడి పాత్రను పోషించనున్నారు. ప్రభాస్ సరసన సీత పాత్రలో బాలీవుడ్ బ్యూటీ దీపికా పదుకొణే నటించనుంది. ఇక విలన్ రోల్ రావణాసురిడిగా బాలీవుడ్ స్టార్ సైఫ్ అలీఖాన్ నటిస్తాడని ఇటీవలే చిత్రయూనిట్ ప్రకటించింది. దీంతో అందరి కన్ను రాముడి తమ్ముడైన లక్ష్మణుడి పాత్రపై పడింది. ఈ రోల్ కూడా కీలకమే కాబట్టి ఎవరికి అవకాశం దక్కుతుందని చూస్తుండగా.. తాజాగా ఓ అప్‌డేట్ బయటకొచ్చింది. దీని ప్రకారం దక్షిణాదికి చెందిన ఓ యువ నటుడు ప్రభాస్ తమ్ముడిగా నటించనున్నాడని తెలుస్తోంది.

విశ్వసనీయ వర్గాల సమాచారం మేరకు ఆ యువ నటుడు ఎవరో కాదు శ్రీ విష్ణు అని అంటున్నారు. కెరీర్ ఆరంభం నుంచే విలక్షణ పాత్రలు పోషిస్తూ ఆకట్టుకుంటున్న శ్రీ విష్ణు అయితేనే లక్ష్మణుడి పాత్రకు న్యాయం చేయగలడని చిత్రయూనిట్ భావిస్తోందట. ఈ మేరకు అతిత్వరలో ఆయనతో సంప్రదింపులు చేయనున్నారని టాక్. దాదాపు 350 కోట్ల బడ్జెట్‌తో రూపొందనున్న ఈ మూవీ కోసం టాలీవుడ్‌తో పాటు బాలీవుడ్ ప్రేక్షకులు సైతం ఆతృతగా ఎదురుచూస్తున్నారు. ఇకపోతే బాలీవుడ్‌లో అగ్రతారగా వెలుగొందుతూ బిజీ బిజీగా ఉన్న దీపికాకు తెలుగులో ఇదే మొదటి సినిమా కానుంది. అయితే దీపిక లాంటి బిగ్ హీరోయిన్ ఓ ప్రాంతీయ భాషా చిత్రానికి ఓకే చెప్పడం అందర్నీ ఆశ్చర్యంలో ముంచెత్తింది. ఈ క్రమంలోనే ప్రభాస్‌తో చేసేందుకు దీపికా పదుకొనే తీసుకుంటున్న రెమ్మ్యూనరేషన్ తాలూకు సంగతులు సోషల్ మీడియాలో వైరల్ అయ్యాయి. ఆమెకు 25 కోట్ల రూపాయలు పారితోషికంగా ఇస్తున్నారనే టాక్ బయటకొచ్చింది.