ఎల్‌ఐసీ నుంచి జీవన్ శాంతి పాలసీ...ప్రతి నెలా మీ చేతికి రూ.11,000!

     Written by : smtv Desk | Tue, Sep 22, 2020, 02:19 PM

ఎల్‌ఐసీ నుంచి జీవన్ శాంతి పాలసీ...ప్రతి నెలా మీ చేతికి రూ.11,000!

దేశీ అతిపెద్ద ప్రభుత్వ రంగ బీమా రంగ కంపెనీ లైఫ్ ఇన్సూరెనస్ కార్పొరేష్ ఆఫ్ ఇండియా (LIC) గురించి ప్రత్యేకంగా చెప్పాల్సిన పని లేదు. ప్రజల్లో ఈ సంస్థపై విశ్వాసంం ఎక్కువ. అందుకే ఎన్ని ప్రైవేట్ కంపెనీలు వచ్చినా కూడా ఎల్‌ఐసీ మార్కెట్ వాటా చెక్కుచెదరలేదు. అలానే కొనసాగుతూ వస్తోంది.

ఎల్‌ఐసీ తన కస్టమర్లకు ఎన్నో రకాల పాలసీలు అందిస్తోంది. చిల్డ్రన్స్ ప్లాన్స్, మనీ బ్యాక్ ప్లాన్స్, ఎండోమెంట్ ప్లాన్స్, యాన్యుటీ ప్లాన్స్, టర్మ్ ప్లాన్స్ ఇలా పలు రకాల పాలసీలు ఆఫర్ చేస్తోంది. వీటిల్లో ఎల్‌ఐసీ జీవన్ శాంతి పాలసీ కూడా ఒకటి. ఇది యాన్యుటీ ప్లాన్. అంటే ఈ పాలసీ తీసుకుంటే ప్రతి నెలా పెన్షన్ పొందొచ్చు.


ఉద్యోగం చేసే వారు రిటైర్మెంట్ తర్వాత ప్రతి నెలా క్రమం తప్పకుండా ఆదాయం పొందాలని భావిస్తే.. ఈ పాలసీ తీసుకోవచ్చు. మీరు పదవీ విరమణకు దగ్గరిలో ఉంటే మీరు ఒకేసారి ప్రీమియం చెల్లించి ఈ పాలసీ పొందొచ్చు. తర్వాత ప్రతి నెలా పెన్షన్ పొందొచ్చు. ప్రీమియం కట్టినా తర్వాతి ఏడాది నుంచే పెన్షన్ లభిస్తుంది.

ఎల్‌ఐసీ జీవన్ శాంతి పాలసీ తీసుకోవాలని భావించే వారు 30 ఏళ్ల ఏళ్ల నుంచి 85 ఏళ్ల మధ్యలో ఉండాలి. కనీసం రూ.1.5 లక్షల మొత్తానికి పాలసీ తీసుకోవాలి. గరిష్ట పరిమితి అంటూ ఏమీ లేదు. అంతేకాకుండా ఈ పాలసీ తీసుకుంటే లోన్ సదుపాయం కూడా పొందొచ్చు. పాలసీ నచ్చకపోతే వెనక్కి ఇచ్చే ఆప్షన్ కూడా ఉంది.




వెంటనే పెన్షన్ వద్దనుకుంటే.. కొంత కాలం తర్వాతి నుంచి కూడా పెన్షన్ పొందే ఆప్షన్ ఉంది. మీకు ఎలా నచ్చితే అలా పెన్షన్ పొందొచ్చు. పాలసీ తీసుకున్న తర్వాతి 5 ఏళ్ల నుంచి పెన్షన్ తీసుకోవచ్చు. అలాగే 10 ఏళ్లు, 15 ఏళ్లు, 20 ఏళ్లు నుంచి పెన్షన్ పొందే ఆప్షన్ ఉంది. మీకు నచ్చిన ఆప్షన్ ఎంచుకోవచ్చు.

ఉదాహరణకు మీరు రూ.10 లక్షలు పెట్టి ఈ పాలసీ తీసుకున్నారు. మీ వయసు 35 ఏళ్లు. మీరు 15 ఏళ్ల తర్వాత పెన్షన్ పొందాలని భావిస్తున్నారు. ఇలాంటప్పుడు మీకు నెలకు రూ.11,270 వస్తాయి. అదే మీరు పాలసీ తీసుకున్న తర్వాతి ఏడాది నుంచే పెన్షన్ పొందాలని భావిస్తే.. మీకు నెలకు రూ.4,700 లభిస్తాయి.





Untitled Document
Advertisements