గూగుల్ పే నుంచి కొత్త సేవలు...ఎస్‌బీఐతో జతకట్టిన సంస్థ

Written by : smtv Desk | Tue, Sep 22, 2020, 05:43 PM

డిజిటల్ వాలెట్ ప్లాట్‌ఫామ్, ఆన్‌లైన్ పేమెంట్ సిస్టమ్ గూగుల్ పే తాజాగా తన కస్టమర్లకు తీపికబురు అందించింది. దేశీ అతిపెద్ద క్రెడిట్ కార్డు జారీ కంపెనీ ఎస్‌బీఐ కార్డుతో జత కట్టింది. దీంతో గూగుల్ పే కస్టమర్లు వారి ఎస్‌బీఐ కార్డ్‌లను గూగుల్ పే ప్లాట్‌ఫామ్ ద్వారా ఉపయోగించొచ్చు.

గూగుల్ ఎస్‌బీఐ భాగస్వామ్యం కారణంగా యూజర్లు తన స్మార్ట్‌ఫోన్‌లోని గూగుల్ పే యాప్ ద్వారా కార్డ్ పేమెంట్స్ నిర్వహించొచ్చు. మూడు రకాలుగా ఈ చెల్లింపులు చేయొచ్చు. నియర్ ఫీల్డ్ కమ్యూనికేషన్ (NFC) సదుపాయం ఉన్న పాయింట్ ఆఫ్ సేల్ (PoS) టర్మినల్స్ వద్ద ట్యాప్ అండ్ పే, షాపుల్లో భారత్ క్యూఆర్ కోడ్ స్కానింగ్, క్రెడిట్ కార్డు ఫిజికల్ కార్డు లేకుండా ఆన్‌లైన్ చెల్లింపులు.. ఇలా మూడు రకాలుగా నిర్వహించొచ్చు.

దేశంలో స్మార్ట్‌ఫోన్ వినియోగం నానాటికీ పెరిగిపోతోంది. క్రెడిట్ కార్డులు కూడా రూపం మార్చుకుంటున్నాయి. ఇప్పుడు స్మార్ట్‌ఫోన్‌లో డిజిటల్ రూపంలో కనిపిస్తున్నాయి. మేము ఇప్పుడు గూగుల్‌తో భాగస్వా్మ్యం వల్ల మా కస్టమర్లకు కొత్త, సురక్షితమైన పేమెంట్ ఆప్షన్ అందుబాటులోకి వచ్చింది’ అని ఎస్‌బీఐ కార్డు మేనేజింగ్ డైరెక్టర్, సీఈవో అశ్విని కుమార్ తివారీ తెలిపారు.

గూగుపే కస్టమర్లు ఇప్పటి వరకు యూపీఐ ట్రాన్సాక్షన్లు మాత్రేమ నిర్వహించేంది. బిల్ పేమెంట్స్, రీచార్జ్, మనీ ట్రాన్స్‌ఫర్ వంటివి బ్యాంక్ అకౌంట్ నుంచి నేరుగానే చేసేది. ఇప్పుడు గూగుల్ పే ద్వారా కార్డుతో కూడా ట్రాన్సాక్షన్లను నిర్వహించొచ్చు. దీనికి మీరు మీ ఎస్‌బీఐ కార్డును గూగుల్ పే యాప్‌తో లింక్ చేసుకోవాలి. ఓటీపీ ద్వారా ఈ ప్రక్రియ పూర్తవుతుంది.

కేవలం ఎస్‌బీఐ కార్డుదారులకు మాత్రమే కాకుండా ఇతర బ్యాంకుల కస్టమర్లు కూడా వారి కార్డులను గూగుల్ పేతో యాడ్ చేసుకోవచ్చు. యాక్సిస్ బ్యాంక్, కోటక్ మహీంద్రా బ్యాంక్ కస్టమర్లు కూడా గూగుల్ పే ద్వారా ఈ కొత్త సర్వీసులు పొందొచ్చు. డెబిట్ కార్డు లేదా క్రెడిట్ కార్డులను గూగుల్ పే యాప్‌తో యాడ్ చేసుకోవచ్చు. దీంతో కార్డు లేకుండా యాప్ ద్వారానే చెల్లింపులు చేయొచ్చు.