CSK vs RR: కెప్టెన్ ధోనీ ముందు మూడు రికార్డులు

Written by : smtv Desk | Tue, Sep 22, 2020, 05:48 PM

తొలి మ్యాచ్‌లో ముంబై ఇండియన్స్‌పై చెన్నై విజయంతో.. ఐపీఎల్‌లో ఓ జట్టుకు వంద విజయాలు అందించిన తొలి కెప్టెన్‌గా ధోనీ రికార్డు క్రియేట్ చేసిన సంగతి తెలిసిందే. ఆ మ్యాచ్‌ల్లో మహీ ఆఖర్లో బ్యాటింగ్‌కు దిగి ఒక్క పరుగు కూడా చేయనప్పటికీ.. చెన్నై సూపర్ కింగ్స్ సునాయాసంగా గెలుపొందింది. తొలి మ్యాచ్‌లో ధోనీ వ్యూహాత్మకంగా బ్యాటింగ్ ఆర్డర్‌లో వెనక్కి వెళ్లి... జడేజా, కర్రాన్‌ను ముందుకు పంపాడు. నేడు (సెప్టెంబర్ 22) రాజస్థాన్ రాయల్స్‌తో జరిగే మ్యాచ్‌లో ధోనీ బ్యాటింగ్‌లోనూ సత్తా చాటాలని ఫ్యాన్స్ కోరుకుంటున్నారు.

చెన్నై సూపర్ కింగ్స్ సెకండ్ మ్యాచ్‌లో ధోనీని మూడు అరుదైన రికార్డులు ఊరిస్తున్నాయి. ఐపీఎల్‌లో ధోనీ ఇప్పటి వరకూ 295 సిక్స్‌లు కొట్టాడు. మరో ఐదు సిక్స్‌లు కొడితే 300 సిక్సర్ల మార్కును అందుకుంటాడు. ఇప్పటి వరకూ భారత ఆటగాళ్లలో రోహిత్ శర్మ (361 సిక్సులు), సురేశ్ రైనా (311 సిక్సులు) మాత్రమే 300కుపైగా సిక్సులు కొట్టిన ఆటగాళ్ల జాబితాలో ఉన్నారు.

ధోనీ (వికెట్ కీపర్‌గా, ఫీల్డర్‌గా) ఐపీఎల్‌లో 100 వంద క్యాచ్‌లు అందుకున్నాడు. మరో 3 మ్యాచ్ క్యాచ్‌లు అందుకుంటే సురేశ్ రైనా (102)ను అధిగమిస్తాడు. ఐపీఎల్‌లో అత్యధిక క్యాచ్‌లు అందుకున్న ఆటగాళ్లలో కేకేఆర్ కెప్టెన్ దినేశ్ కార్తీక్ మాత్రమే ధోనీ కంటే ముందుంటాడు. వికెట్ కీపర్‌గా ధోనీ 96 క్యాచ్‌లు పట్టాడు. మరో ఐదు క్యాచ్‌లు పడితే.. ఐపీఎల్‌లో ఎక్కువ క్యాచ్‌లు అందుకున్న వికెట్ కీపర్‌గా దినేశ్ కార్తీక్ రికార్డును అధిగమిస్తాడు.

191 ఐపీఎల్ మ్యాచ్‌లు ఆడిన ధోనీ.. 42.21 యావరేజ్‌, 137.77 స్ట్రయిక్ రేట్‌తో 4432 పరుగులు చేశాడు. మహీ అత్యధిక స్కోరు 84. లీగ్‌లో ధోనీ 23 హాఫ్ సెంచరీలు చేశాడు.