Advertisements

Untitled Document

Untitled Document

ఓవర్లో 30 రన్స్...6666: మళ్ళీ తెరపైకి జోఫ్రా ఆర్చర్ బాబా

     Written by : smtv Desk | Tue, Sep 22, 2020, 11:23 PM

ఓవర్లో 30 రన్స్...6666: మళ్ళీ తెరపైకి జోఫ్రా ఆర్చర్ బాబా

చైన్నై సూపర్ కింగ్స్‌తో జరిగిన మ్యాచ్‌లో రాజస్థాన్ రాయల్స్ బ్యాట్స్‌మెన్ సిక్సర్ల వరద పారించారు. సంజూ శాంసన్, స్టీవ్ స్మిత్, జోఫ్రా ఆర్చర్ కలిసి 17 సిక్సులు బాదారు. ఆఖరి ఓవర్లో ఆర్చర్ వరుసగా నాలుగు సిక్సులు బాది రాజస్థాన్ 200 పరుగుల మార్క్ దాటడానికి దోహదపడ్డాడు. లుంగీ ఎంగీడి వేసిన ఓవర్లో ఆర్చర్ వరుసగా నాలుగు సిక్స్‌లు బాదడం.. అందులో రెండు నోబాల్స్ తర్వాత ఓ వైడ్ ఉండటంతో.. 2 బంతుల్లోనే 27 రన్స్ వచ్చాయి. మూడు సింగిల్స్‌తో కలుపుకొని ఆ ఓవర్లో మొత్తం 30 పరుగులొచ్చాయి. ఈ మ్యాచ్‌లో 8 బంతుల్లో 28 పరుగులు చేసిన ఆర్చర్‌ నాటౌట్‌గా నిలిచాడు.

జోఫ్రా ఆర్చర్ వరుసగా నాలుగు సిక్సులు బాదగానే.. చాలా మంది ఆసక్తిగా అతడి ట్విట్టర్ అకౌంట్‌ను చూశారు. 2015 జనవరి 9న 6666 అని ఆర్చర్ చేసిన ట్వీట్ చూసి ఆశ్చర్యపోయారు. దీంతో మరింత ఉత్సాహంతో ఇంకొన్ని ట్వీట్లను చూడగా... 30 an over? (ఓవర్లో 30 పరుగులు?) అని 2014 అక్టోబర్ 17న చేసిన ట్వీట్ కనిపించింది.

ఈ రెండు ట్వీట్లను చూసిన క్రికెట్ ఫ్యాన్స్.. వరుసగా నాలుగు సిక్సులు కొడతానని.. ఒకే ఓవర్లో 30 పరుగులు వస్తాయని ఆర్చర్‌కు 2014, 2015లోనే ఎలా తెలిసిందని ఆశ్చర్యపోతున్నారు. ఆర్చర్ ఏ మ్యాచ్‌ను దృష్టిలో ఉంచుకొని ఈ ట్వీట్లు చేశాడో గానీ.. ఇప్పుడైతే అవి వైరల్‌గా మారాయి.









Untitled Document
Advertisements