రియల్ మీ 7 సేల్ ఈరోజే...రూ.15 వేలలో బెస్ట్ ఫోన్!

     Written by : smtv Desk | Thu, Sep 24, 2020, 11:57 AM

రియల్ మీ 7 సేల్ ఈరోజే...రూ.15 వేలలో బెస్ట్ ఫోన్!

రియల్ మీ మనదేశంలో రియల్ మీ 7 స్మార్ట్ ఫోన్‌ను లాంచ్ చేసింది. దీనికి సంబంధించిన సేల్ మనదేశంలో ఈరోజు(సెప్టెంబర్ 24వ తేదీ) జరగనుంది. ఫ్లిప్ కార్ట్, రియల్ మీ వెబ్ సైట్లలో మధ్యాహ్నం 12 గంటలకు ఈ ఫోన్ అందుబాటులోకి రానుంది. ఆక్టాకోర్ మీడియాటెక్ హీలియో జీ95 ప్రాసెసర్‌పై ఈ ఫోన్ పని చేయనుంది. వెనకవైపు నాలుగు కెమెరాల సెటప్, 5000 ఎంఏహెచ్ బ్యాటరీ వంటి అద్భుతమైన ఫీచర్లను ఇందులో అందించారు.

ఈ ఫోన్ రెండు వేరియంట్లలో లాంచ్ అయింది. 6 జీబీ ర్యామ్ + 64 జీబీ స్టోరేజ్ వేరియంట్ ధరను రూ.14,999గా నిర్ణయించారు. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.16,999గా ఉంది. మిస్ట్ బ్లూ, మిస్ట్ వైట్ రంగుల్లో ఈ ఫోన్ అందుబాటులో ఉంది.

ఇందులో 6.5 అంగుళాల ఫుల్ హెచ్ డీ+ డిస్ ప్లేను అందించారు. దీని యాస్పెక్ట్ రేషియో 20:9గా ఉండగా, స్క్రీన్ టు బాడీ రేషియో 90.5 శాతంగా ఉంది. ఆక్టాకోర్ మీడియాటెక్ హీలియో జీ95 ప్రాసెసర్ పై రియల్ మీ 7 పనిచేయనుంది. 8 జీబీ వరకు ర్యామ్, 128 జీబీ వరకు స్టోరేజ్ ఇందులో కూడా ఉన్నాయి. మైక్రో ఎస్ డీ కార్డు ద్వారా స్టోరేజ్ ను ఇంకా పెంచుకునే అవకాశం ఉంది.

ఇందులో వెనకవైపు నాలుగు కెమెరాలు అందుబాటులో ఉన్నాయి. ఇందులో కూడా ప్రధాన కెమెరాగా 64 మెగా పిక్సెల్ సామర్థ్యమున్న సోనీ ఐఎంఎక్స్682 సెన్సార్ ను అందించగా, 8 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ మోనోక్రోమ్ సెన్సార్, 2 మెగా పిక్సెల్ క్వార్టెనరీ సెన్సార్ లను కూడా ఇందులో రియల్ మీ అందించింది. సెల్ఫీల కోసం ముందువైపు 16 మెగా పిక్సెల్ కెమెరా అందుబాటులో ఉంది.

ఆండ్రాయిడ్ 10 ఆధారిత రియల్ మీ యూఐ ఆపరేటింగ్ సిస్టంపై ఈ ఫోన్ పనిచేయనుంది. 4జీ వోల్టే, వైఫై, బ్లూటూత్ వీ5.0, జీపీఎస్/ఏ-జీపీఎస్ యూఎస్ బీ టైప్-సీ పోర్టు వంటి ఫీచర్లను ఇందులో అందించారు. దీని బ్యాటరీ సామర్థ్యం 5000 ఎంఏహెచ్ గా ఉంది. 30W ఫాస్ట్ చార్జింగ్ ను ఇది సపోర్ట్ చేయనుంది. దీని మందం 0.94 సెంటీమీటర్లుగానూ, బరువు 196.5 గ్రాములుగానూ ఉంది.





Untitled Document
Advertisements