ఎల్ఐసీ పాలసీ...రూ.128తో మీకు రూ.66 లక్షలు అందించే స్కీం ఇదే!

Written by : smtv Desk | Thu, Sep 24, 2020, 02:58 PM

డబ్బులు సంపాదించడమే కాదు.. చాలా మంది అలా సంపాదించిన డబ్బును అదా చేసుకోవాలని కూడా ఆలోచిస్తూ ఉంటారు. అయితే చేతిలో డబ్బును ఎక్కడ దాచుకోవాలో కరెక్ట్‌గా చాలా మందికి తెలియదు. అంతేకాకుండా చాలా మంది ఎల్‌ఐసీ పాలసీ తీసుకోవాలని ఆలోచిస్తుంటారు. కానీ ఏ పాలసీ తీసుకోవాలో పెద్దగా అవగాహన ఉండకపోవచ్చు.

డబ్బులు ఆదా చేసుకోవడంతో కుటుంబ ఆర్థిక భద్రతా గురించి ఆలోచించే వారికి ఎల్ఐసీ నుంచి ఒక అదిరిపోయే పాలసీ అందుబాటులో ఉంది. దీని పేరు ఎల్‌ఐసీ జీవన్ ఆనంద్ పాలసీ. దేశీ అతిపెద్ద ప్రభుత్వ రంగ బీమా కంపెనీ అయిన ఎల్‌ఐసీపై ప్రజల్లో ఇప్పటికీ కూడా విశ్వాసం చెక్కుచెదరలేదని చెప్పుకోవచ్చు.

ప్రతి రోజూ చిన్న మొత్తంలో డబ్బులు ఆదా చేసుకొని, వాటి ద్వారా భవిష్యత్‌లో దీర్ఘకాలంలో అదిరిపోయే రాబడి పొందాలని భావించే వారికి ఎల్‌ఐసీ జీవన్ ఆనంద్ పాలసీ అనువుగా ఉంటుందని చెప్పుకోవచ్చు. ఈ పాలసీ ద్వారా రోజుకు రూ.128 ఆదా చేస్తూ ఒకేసారి చేతికి రూ.66 లక్షలు పొందొచ్చు.

అంతేకాకుండా ఈ పాలసీ తీసుకున్న వారికి రూ.15 లక్షల వరకు రిస్క్ కవర్ కూడా లభిస్తుంది. పాలసీ టర్మ్ 15 నుంచి 35 ఏళ్ల పాటు ఉంటుంది. 18 నుంచి 50 ఏళ్లు మధ్యలో వయసు ఉన్న వారు ఈ పాలసీలో చేరొచ్చు. కనీసం రూ.లక్షకు పాలసీ తీసుకోవాలి. గరిష్ట పరిమితి అంటూ ఏమీ లేదు. ఇప్పుడు రోజుకు రూ.128తో చేతికి రూ.66 లక్షలు ఎలా వస్తాయో తెలుసుకుందాం.

ఉదాహరణకు 27 ఏళ్ల వయసు ఉన్న వ్యక్తి ఎల్‌ఐసీ జీవన్ ఆనంద్ పాలసీ తీసుకున్నారు. పాలసీ టర్మ్ 33 ఏళ్లు. రూ.15 లక్షల మొత్తానికి పాలసీ తీసుకున్నారు. ఇప్పుడు ఈయన వార్షిక ప్రీమియం రూ.46,800గా ఉంటుంది. అంటే రోజుకు దాదాపు రూ.128 ఆదా చేసుకోవాలి. మెచ్యూరిటీ సమయంలో బీమా మొత్తంతోపాటు బోనస్ కింద రూ.24 లక్షలు వస్తాయి. అంతిమ అదనపు బోనస్ కింద మరో రూ.27 లక్షలు లభిస్తాయి. అంటే చేతికి దాదాపు రూ.66 లక్షలు వస్తాయి. ఒకవేళ పాలసీదారుడు మరణిస్తే.. కుటుంబానికి రూ.15 లక్షల రిస్క్ కవరేజీ డబ్బులు వస్తాయి.