మారుతీ సుజుకీ అదిరే స్కీమ్...కారు కొనకుండానే ఓనర్!

     Written by : smtv Desk | Fri, Sep 25, 2020, 01:59 PM

మారుతీ సుజుకీ అదిరే స్కీమ్...కారు కొనకుండానే ఓనర్!

దేశీ దిగ్గజ కార్ల తయారీ కంపెనీ మారుతీ సుజుకీ ఇండియా తాజాగా అదిరిపోయే స్కీమ్స్‌తో కస్టమర్ల ముందుకు వచ్చింది. వెహికల్ సబ్‌స్క్రిప్షన్ ప్రోగ్రామ్‌ను ప్రారంభించింది. ప్రస్తుతం ఈ స్కీమ్ ఢిల్లీ, ఎన్‌సీఆర్, బెంగళూరులో మాత్రమే అందుబాటులో ఉంది. మారుతీ సుజుకీ సబ్‌స్క్రిప్షన్‌లో భాగంగా కారును కొనుగోలు చేయకుండానే ఉపయోగించుకోవచ్చు. ప్రతి నెలా అద్దె చెల్లించాలి. అంటే ఇది రెంటల్ స్కీమ్ అని చెప్పొచ్చు.

మారుతీ సుజుకీ సబ్‌స్క్రిప్షన్‌లో భాగంగా కారు తీసుకన్న వ్యక్తి ప్రతి నెలా డబ్బులు కట్టాలి. కారు మెయింటెన్స్, ఇన్సూరెన్స్, రోడ్‌సైడ్ అసిస్ట్ వంటి వాటిని కంపెనీయే చేసుకుంటుంది. మీరు చెల్లించే నెలవారీ మొత్తంలో ఈ సేవలకు కూడా మీరు కలిపే చెల్లిస్తున్నారు. అంటే మీరు కారుకు సంబంధించిన అన్ని విషయాలను కంపెనీయే చూసుకుంటుంది. మీరు ప్రతి నెలా డబ్బులు కడితే చాలు.

మారుతీ సుజుకీ ఈ సబ్‌స్క్రిప్షన్ ప్లాన్ కోసం ఓరిక్స్ ఇన్‌ఫ్రాస్ట్రక్చర్ సర్వీసెస్ ఇండియా కంపెనీతో భాగస్వా్మ్యం కుదుర్చుకుంది. మారుతీ స్విఫ్ట్, డిజైర్, వితారా బ్రెజా, ఎర్టిగా, ఎరీనా, బాలెనో, సియాజ్, ఎక్స్‌ఎల్ 6 వంటి మోడళ్లను ఇంటికి పట్టుకెళ్లొచ్చు. కారు ప్రాతిపదికన మీరు ప్రతి నెలా చెల్లించాల్సిన డబ్బులు ఆధారపడి ఉంటాయి.

కస్టమర్లు 12 నెలల నుంచి 48 నెలల వకు కారును సబ్‌స్క్రైబ్ అంటే అద్దెకు తీసుకోవచ్చు. ప్రతి నెలా రూ.14,463 నుంచి చెల్లించాల్సి ఉంటుంది. స్విఫ్ట్ కారును 48 నెలల సబ్‌స్క్రిప్షన్ తీసుకుంటే ఈ మొత్తం కట్టాల్సి వస్తుంది. ఇక కారు మెయింటెన్స్ మొత్తం కంపెనీయే చూసుకుంటుంది. వచ్చే 2 నుంచి 3 ఏళ్ల కాలంలో మారుతీ సబ్‌స్క్రిప్షన్ స్కీమ్‌ను దేశవ్యాప్తంగా 60 పట్టణాల్లో అందుబాటులోకి తీసుకువస్తామని కంపెనీ తెలిపింది.





Untitled Document
Advertisements