బ్యాంక్ నుంచి లోన్...వెహికల్ కొనుగోలుకు ఈజీగానే రుణ మంజూరీ

     Written by : smtv Desk | Fri, Sep 25, 2020, 07:03 PM

బ్యాంక్ నుంచి లోన్...వెహికల్ కొనుగోలుకు ఈజీగానే రుణ మంజూరీ

పండుగ సీజన్ వస్తోంది. బ్యాంక్ లోన్ తీసుకోవాలని యోచిస్తున్నారా? అది కూడా కొత్తగా బైక్ లేదా స్కూటర్ కొనుగోలు చేయాలని ప్లాన్ చేస్తు్న్నారా? అయితే మీకు శుభవార్త. మీకోసం ఒక అదిరిపోయే ఆఫర్ అందుబాటులో ఉంది. తక్కవ వేతనం ఉన్నా కూడా ఇక్కడ ఒక బ్యాంక్ సులభంగానే రుణాలు అందిస్తోంది.

ప్రభుత్వ రంగానికి చెందిన రెండో అతిపెద్ద బ్యాంక్ పంజాబ్ నేషనల్ బ్యాంక్ (PNB) తాజాగా కస్టమర్ల కోసం సులభంగానే రుణాలు అందిస్తోంది. అయితే వెహికల్ కొనుగోలుకు మాత్రమే ఇది వర్తిస్తుంది. అంటే సులభంగానే టూవీలర్ రుణాలు ఆఫర్ చేస్తోంది. అయితే ఇది కేవలం మహిళలకు మాత్రమే అందుబాటులో ఉంటుంది. బైక్, స్కూటర్ వంటివి కొనుగోలు చేయొచ్చు.

పంజాబ్ నేషనల్ బ్యాంక్.. పీఎన్‌బీ పవర్ రైడ్ పేరుతో ఈ విధంగా మహిళలకు సులభంగానే రుణాలు అందిస్తోంది. గరిష్టంగా రూ.60,000 వరకు రుణం పొందొచ్చు. తీసుకున్న మొత్తాన్ని 36 నెలలలోగా తిరిగి చెల్లించాల్సి ఉంటుంది. నెలవారీ శాలరీలో గరిష్టంగా 50 శాతం వరకు కటింగ్ పెట్టుకోవచ్చు.

పీఎన్‌బీ వెబ్‌సైట్ ప్రకారం.. ఉద్యోగం చేసే మహిళలు ఈ రుణం పొందొచ్చు. కనీసం 6 నెలల నుంచి ఉద్యోగం చేస్తూ ఉండాలి. అలాగే స్వయం ఉపాధి పొందుతున్న మహిళలు ఏడాదికి నుంచి పని చేస్తూ ఉండాలి. అదే స్టూడెంట్ అయితే ఇతరులను లోన్ భాగస్వామిగా చేర్చుకొని రుణం పొందొచ్చు. తల్లిదండ్రులు లేదా సంరక్షకులను భాగస్వామిగా చేర్చుకోవచ్చు.

కనీసం నెలకు రూ.8,000 జీతం వచ్చినా సరిపోతుంది. లోన్ వస్తుంది. వడ్డీ రేటు ఆర్ఎల్ఎల్ఆర్‌కు 1.9 శాతం అధికంగా చెల్లించాలి. అంటే ప్రస్తుతం బ్యాంక్ ఆర్ఎల్ఎల్ఆర్ 6.8 శాతంగా ఉంది. అంటే మీ వార్షిక వడ్డీ రేటు 8.7 శాతంగా ఉంటుంది. ప్రాసెసింగ్ ఫీజు రుణ మొత్తంలో 0.5 శాతంగా ఉంది.





Untitled Document
Advertisements