తెలంగాణ : ఇవాల్టి నుంచి తెరుచుకోనున్న బార్లు

Written by : smtv Desk | Sat, Sep 26, 2020, 01:50 PM

తెలంగాణ ప్రభుత్వం బార్లు, క్లబ్బుల నిర్వాహకులకు గుడ్ న్యూస్ చెప్పింది. దాదాపు ఆరునెలల సుదీర్ఘ కాలం తర్వాత బార్లు క్లబ్బులు తెరుచుకునేందుకు ప్రభుత్వం ఉత్తర్వులు జారీ చేసింది. లాక్‌డౌన్‌ కారణంగా బార్లు మూతపడిన విషయం తెలిసిందే. అప్పటి నుంచి రాష్ట్రంలో బార్లు, క్లబ్ లు తెరుచుకోలేదు. బార్లు, క్లబ్బులలో మ్యూజికల్ ఈవెంట్స్, డ్యాన్స్‌లను కూడా నిషేధించారు. అనుమతి ఇస్తూనే, కరోనా నిబంధనలు కచ్చితంగా పాటించాలని తెలంగాణ ప్రభుత్వం ఆదేశించింది.

అన్ లాక్ ప్రక్రియలో భాగంగా ఒక్కొక్కదానికి అనుమతి ఇస్తూ వస్తున్నారు. రాష్ట్రంలో మద్యం దుకాణాలు, రెస్టారెంట్లు, హోటళ్లు తెరుచుకున్నాయి. రవాణ వ్యవస్థ కూడా ప్రారంభం అయ్యింది. దేవాలయాలకు కూడా ఇప్పటికే అనుమతి ఇచ్చారు. ఇక విద్యార్థులకు సంబంధించిన పరీక్షలు కూడా జరుగుతున్నాయి. దీంతో తెలంగాణలో బార్లు మళ్లీ తెరుచుకోనున్నాయి. శనివారం నుంచే బార్లు తెరిచేందుకు ప్రభుత్వం అనుమతి ఇచ్చింది.

దీంతో ఏడునెలలుగా మూతపడిన బార్లను శనివారం నుంచి కోవిద్‌ నిబంధనలు పాటిస్తూ తెరువాలని ప్రభుత్వం ఉత్తర్వులో పేర్కొంది. అయితే మద్యం దుకాణాల పర్మిట్‌ గదులకు మాత్రం అనుమతి ఇవ్వలేదు. ఆదివారం నుంచి పూర్తి స్థాయిలో బార్లు వినియోగంలోకి వచ్చే అవకాశం ఉంది. బార్లు, క్లబ్ లలో గ్యాదరింగ్, మ్యూజికల్ ఈవెంట్స్, డ్యాన్స్ లకు అనుమతి ఇవ్వడం లేదని ప్రభుత్వం పేర్కొన్నది.