ఎల్‌ఐసీ పాలసీ...ఒక్కసారి డబ్బులు కడితే ప్రతినెలా చేతికి డబ్బులు

     Written by : smtv Desk | Mon, Nov 30, 2020, 10:31 AM

ఎల్‌ఐసీ పాలసీ...ఒక్కసారి డబ్బులు కడితే ప్రతినెలా చేతికి డబ్బులు

ప్రభుత్వ రంగ దిగ్గజ బీమా కంపెనీ లైఫ్ ఇన్సూరెన్స్ ఇన్సూరెన్స్ కార్పొరేషన్ ఆఫ్ ఇండియా LIC తన కస్టమర్లకు ఎన్నో రకాల పాలసీలు అందిస్తోంది. వీటి ద్వారా భవిష్యత్ ఆర్థిక లక్ష్యాలను చేరుకోవడంతోపాటు కుటుంబానికి ఆర్థిక భద్రత లభిస్తుంది. ఎల్‌ఐసీ చాలా పాలసీలు అందిస్తోంది. వీటిల్లో ఎల్‌ఐసీ జీవన్ అక్షయ్ పాలసీ కూడా ఒకటి.
ఎల్‌ఐసీ అక్షయ్ పాలసీ తీసుకోవడం వల్ల ఒక్కసారి పాలసీ డబ్బులు చెల్లిస్తే.. తర్వాత ప్రతి నెలా పెన్షన్ లభిస్తుంది. జీవన్ అక్షయ్ పాలసీ అనేది సింగిల్ ప్రీమియం నాన్ లింక్డ్ నాన్ పార్టిసిపేటింగ్ పర్సనల్ యాన్యూటీ ప్లాన్. ఈ పాలసీ తీసుకోవాలని భావించే వారు కనీసం రూ.లక్ష ఇన్వెస్ట్ చేయాలి.

గరిష్ట పరిమితి అంటూ ఏమీ లేదు. ఎంత డబ్బులు పెట్టైనా పాలసీ తీసుకోవచ్చు. మీరు ఇన్వెస్ట్ చేసే డబ్బులు ప్రాతిపదికన మీకు లభించే పెన్షన్ కూడా మారుతూ ఉంటుంది. ఎక్కువ డబ్బులు పెట్టి పాలసీ తీసుకుంటే ఎక్కువ పెన్షన్ వస్తుంది. అదే తక్కువ డబ్బుకు పాలసీ తీసుకుంటే చేతికి తక్కువ డబ్బులు లభిస్తాయి.

పాలసీ తీసుకున్న వారికి పది రకాల పెన్షన్ ఆప్షన్లు అందుబాటులో ఉంటాయి. మీకు నచ్చిన ఆప్షన్ ఎంచుకోవచ్చు. ఉదాహరణకు 40 ఏళ్ల వయసులో ఉన్న వ్యక్తి రూ.7 లక్షలకు ఈ పాలసీ తీసుకుంటే.. ప్రతి నెలా దాదాపు రూ.3,500 లభిస్తుంది. పాలసీదారుడు జీవించి ఉన్నంత కాలం ఈ పెన్షన్ వస్తూనే ఉంటుంది. చనిపోయిన తర్వాత ఎలాంటి డబ్బులు రావు. 30 నుంచి 85 ఏళ్ల మధ్యలో వయసు కలిగిన వారు పాలసీ తీసుకోవచ్చు.





Untitled Document
Advertisements