50 రోజుల నైట్ షూట్ పూర్తి చేసుకున్న RRR టీమ్

     Written by : smtv Desk | Mon, Nov 30, 2020, 02:54 PM

50 రోజుల నైట్ షూట్ పూర్తి చేసుకున్న RRR టీమ్

మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ హీరోలుగా రూపొందుతున్న భారీ బడ్జెట్ మూవీ RRR. రాజమౌళి దర్శకత్వంలో తెరకెక్కుతున్న ఈ సినిమా తాజా షెడ్యూల్ నేటితో పూర్తయింది. ఈ షూటింగ్ విశేషాలు తెలుపుతూ ట్విట్టర్ ద్వారా సందేశం పోస్ట్ చేసింది RRR టీమ్. గత కొన్ని రోజులుగా చిత్రంలోని కీలక ఘట్టాలను కెమెరాలో బంధించిన టీమ్.. నేటితో సెలవు తీసుకొని మరో షెడ్యూల్ ప్రారంభించడానికి రెడీ అవుతోంది.

''దాదాపు 50 రోజుల నైట్ షూట్ పూర్తి చేశాం. ఇక చలికాలపు రాత్రులకు గుడ్ బై.. ఇక తదుపరి షెడ్యూల్ కోసం వేరే దేశాల్లోని అందమైన ప్రదేశాలకు వెళ్లబోతున్నాం'' అని పేర్కొంటూ ట్వీట్ చేసింది RRR టీమ్. ఇటీవలే లొకేషన్స్‌ వద్ద ఉన్న పరిస్థితులను వీడియో రూపంలో ప్రేక్షకుల ముందుంచారు మేకర్స్. ఈ వీడియోలో యూనిట్ సభ్యులు మొత్తం చలిలో వణుకుతూ షూట్‌లో పాల్గొంటున్నట్లు కనిపించారు. రాజమౌళి, ఎన్టీఆర్, కెమెరామెన్ సెంథిల్ కుమార్.. ఇలా అందరూ సెట్‌లో ఏర్పాటు చేసిన హీటర్స్ దగ్గర చలి కాచుకుంటూ కనిపించారు. ఈ షెడ్యూల్‌లో చెర్రీ, ఎన్టీఆర్‌లపై భారీ యాక్షన్ సీక్వెన్స్ షూట్ చేశామని చెప్పింది చిత్రయూనిట్.

ఈ పోరాట సన్నివేశాలు చిత్రంలో దాదాపు 20 నిమిషాల నిడివితో ఉంటాయని తెలిస్తోంది. ఆ సందర్భంలోనే తొలిసారి అల్లూరి సీతారామరాజు, కొమురం భీమ్‌ కలుస్తారని.. అక్కడి నుంచే ఇద్దరూ ఒక్కటై పోరాటం కొనసాగిస్తారని సమాచారం. చిత్రంలో అల్లూరి సీతారామరాజుగా రామ్ చరణ్, కొమురం భీమ్‌గా ఎన్టీఆర్ నటిస్తుండగా.. వారి సరసన ఆలియా భట్, ఒలీవియా మోరిస్ హీరోయిన్లుగా నటిస్తున్నారు. చిత్ర నిర్మాణ బాధ్యతలు చేపట్టిన డీవీవీ దానయ్య భారీ రేంజ్‌లో ఈ మూవీ నిర్మిస్తున్నారు. RRRపై మెగా, నందమూరి అభిమానులు భారీ అంచనాలు పెట్టుకున్నారు.





Untitled Document
Advertisements