Advertisements

Untitled Document

Untitled Document

హైదరాబాద్ బిర్యానిలో బొద్దింక...ఏ రెస్టారెంటో తెలుసా?

     Written by : smtv Desk | Sun, Jan 03, 2021, 02:10 PM

హైదరాబాద్ బిర్యానిలో బొద్దింక...ఏ రెస్టారెంటో తెలుసా?

అందరూ కలిసి రెస్టారెంట్‌కు వెళ్లారు. తినేందుకు ఫుడ్ ఆర్డర్ చేశారు. తమకు ఎంతో ఇష్టమైన బిర్యానీ ఆర్డర్ చేశారు. కాసేపు అయిన తర్వాత వెయిటర్ వేడి వేడి బిర్యాని టేబుల్‌పై తీసుకొచ్చాడు. బిర్యానీ చూడగానే అందరి నోరూ ఊరింది. లొట్టలేసుకుంటూ… కబుర్లు చెప్పుకుంటూ తినడం ప్రారంభించారు. ఇంతలో ఎంతో ఇష్టంగా బిర్యానీ తింటున్న వారికి షాక్ తగిలింది. ఆ బిర్యానీలో బొద్దింక కనిపించింది. ఇంకేముంది తిన్నది అంతా కక్కుకునే పరిస్థితి ఏర్పడింది. వెంటనే హోటల్ నిర్వాహకులు ఫిర్యాదు చేశారు.

రెస్టారెంట్‌లో బిర్యానీలో బొద్దింక వచ్చిందని ఆ కుటుంబం ఆరోపించింది. హైదరాబాద్ ఎస్‌ఆర్‌నగర్‌లో నివాసం ఉంటున్న శ్రీదేవి కుటుంబం ఈ ఆరోపణ చేసింది. హైదర్‌నగర్‌ డివిజన్‌ భాగ్యనగర్‌ కాలనీలోని తబలా రెస్టారెంట్‌‌కు ఫ్యామిలీ వెళ్లింది. అంతా సరదాగా కబుర్లు చెప్పుకుంటూ బిర్యానీ తింటున్న సమయంలో బిర్యానీలో బొద్దింక రావడంతో ఒక్కసారిగా వారంతా ఆందోళనకు గురయ్యారు. నిర్వాహకులను నిలదీస్తే వారు సరైన సమాధానం చెప్పలేదని ఆరోపించారు. హోటల్ నిర్వాహకులపై కఠిన చర్యలు తీసుకోవాలని డిమాండ్ చేశారు.




Untitled Document
Advertisements