ఇల్లు కొనాలనుకునేవారికి శుభవార్త....సున్నా వడ్డీ స్కీమ్

     Written by : smtv Desk | Tue, Jan 05, 2021, 11:58 AM

ఇల్లు కొనాలనుకునేవారికి శుభవార్త....సున్నా వడ్డీ స్కీమ్

సొంతింటి కల సాకారం చేసుకోవాలని భావిస్తున్నారా? అయితే మీకు శుభవార్త. ప్రస్తుతం బ్యాంకులు ఇప్పుడు తక్కువ వడ్డీకే రుణాలు అందిస్తున్నాయి. ఇప్పుడు లోన్ తీసుకొని ఇల్లు కొనే వారికి లేదంటే కొత్త ఇల్లు కట్టుకునే వారికి మంచి అవకాశం అందుబాటులో ఉందని చెప్పుకోవచ్చు.

వీరికి మరో బంపరాఫర్ కూడా అందుబాటులో ఉంది. రియల్టీ సంస్థ పిరమాల్ రియల్టీ అదిరిపోయే స్కీమ్ తీసుకువచ్చింది. జీరో వడ్డీ రేటు స్కీమ్‌ను తీసుకువచ్చింది. ఇలాంటి స్కీమ్ తీసుకురావడం ఇదే తొలిసారి. రియల్టీ సంస్థలు ఇప్పటి వరకు ఇలాంటి స్కీమ్‌ను తీసుకురాలేదు.

పిరమాల్ గ్రూప్‌కు చెందిన రియల్టీ కంపెనీ పిరమాల్ రియల్టీ అందిస్తున్న సున్నా వడ్డీకే హోమ్ లోన్ స్కీమ్ కింద రుణం తీసుకుంటే.. 2022 మార్చి వరకు వడ్డీ భారం మోయాల్సిన పని లేదు. ఆ తర్వాతి నుంచి మళ్లీ వడ్డీ రేటు వర్తిస్తుంది. అయితే ఈ ఆఫర్ కొన్ని ప్రాజెక్టులకు మాత్రమే వర్తిస్తుంది.

పిరమాల్ మహలక్ష్మీ, పిరమాల్ అరణ్య, పిరమాల్ రేవంత వంటి ప్రీమియం ప్రాజెక్టులకు మాత్రమే ఈ జీరో వడ్డీ స్కీమ్ వర్తిస్తుంది. అంతేకాకుండా ముందుగా వచ్చి బుక్ చేసుకున్న వారికే ఈ వెసులుబాటు అందుబాటులో ఉంటుంది. కరోనా వైరస్ కారణంగా దేశవ్యాప్తంగా ఇళ్ల అమ్మకాలు పడిపోయిన నేపథ్యంలో ఇలాంటి ఆఫర్లు అందుబాటులోకి వస్తుండటం గమనార్హం.





Untitled Document
Advertisements