రైల్వేస్ కొత్త పాలసీ...ప్రతి నెలా డబ్బులు పొందొచ్చు

Written by : smtv Desk | Tue, Jan 05, 2021, 04:14 PM

ఉద్యోగాలతో విసిగెత్తిపోయారా? బిజినెస్ చేసి డబ్బు సంపాదించాలని భావిస్తున్నారా? అయితే మీకు ఒక అదిరిపోయే ఆప్షన్ అందుబాటులో ఉంది. ఇండియన్ రైల్వేస్ మీకు మంచి అవకాశం కల్పిస్తోంది. మీరు రైల్వేస్‌తో కలిసి పని చేసి మంచి రాబడిని సొంతం చేసుకోవచ్చు.

ఇండియన్ రైల్వేస్ ‘గూడ్స్ షెడ్ డెవలప్‌మెంట్ పాలసీ’ని తీసుకువచ్చింది. ఈ పాలసీలో భాగంగా మీరు రైల్వే స్టేషన్ దగ్గరిలో క్యాంటీన్ ఓపెన్ చేసుకోవచ్చు. లేదంటే టీ షాప్ పెట్టుకోవచ్చు. దీని ద్వారా ప్రతి నెలా అదిరిపోయే రాబడి పొందొచ్చు.

ఇండియన్ రైల్వే ప్రైవైట్ భాగస్వాములతో కలిసి రైల్వే స్టేషన్ దగ్గరిలో షాపులను ఏర్పాటు చేసుకునే వెసులుబాటు కల్పిస్తోంది. లేదంటే ఇప్పటికే ఉన్న షాపులను మరింత అభివృద్ధి చేసుకోవచ్చు. మీరు మీ క్యాంటీన్ లేదా టీ షాప్ ద్వారా ఆదాయం పొందొచ్చు. ఇంకా అడ్వర్టైజ్‌మెంట్ల ద్వారాక కూడా డబ్బులు వస్తాయి.

ఇంకా లోడింగ్, ఆన్‌లోడింగ్ సర్వీసులు కూడా అందించొచ్చు. రైల్వేస్ మీ వద్ద నుంచి ఎలాంటి చార్జీలు తీసుకోదు. సాధారణ కస్టమర్ లేదంటే ప్రయాణికులకు ప్రయోజనం కలిగించే సౌకర్యాలు అందిస్తే సరిపోతుంది. ఇకపోతే ఐఆర్‌సీటీసీ ఇటీవల కొత్త సేవలు లాంచ్ చేసింది. తన వెబ్‌సైట్, యాప్‌ను అప్‌గ్రేడ్ చేసింది. దీంతో టికెట్ బుక్ మరింత సులభతరం అయ్యింది.