మాజీ హాకీ ప్లేయర్ ప్రవీణ్ రావు కిడ్నాప్...భూమా అఖిల ప్రియ అరెస్ట్

Written by : smtv Desk | Wed, Jan 06, 2021, 03:08 PM

భూమా అఖిల ప్రియ అరెస్ట్ చేశారు తెలంగాణ పోలీసులు. బోయిన్ పల్లి ఆమెను అదుపులోకి తీసుకొని సొంతకారులోనే బోయనపల్లికి తరలిస్తున్నారు. బోయన్‌పల్లిలో నిన్న రాత్రి మాజీ హాకీ ప్లేయర్ ప్రవీణ్ రావును ఆయన సోదరుల్ని కిడ్నాప్ అయిన విషయం తెలిసిందే. ఈ కేసులో భూమా అఖిల ప్రియను అరెస్ట్ చేసినట్లు తెలుస్తోది. హఫీజ్ పేట్ లోని 50 ఎకరాల‌భూ వ్యవహారమే కిడ్నాప్ కు కారణంగా గుర్తించారు. భూమా నాగిరెడ్డి హయాం నుండి భూ వివాదం నడుస్తోంది. భార్గవ్ సోదరుడు సెటిల్ మెంట్ చేసేందుకు ప్రయత్నిస్తున్నాడు. రెక్కి నిర్వహించి మరి కిడ్నాప్ చేశారు. మొత్తం ఆరు సెక్షన్ల కింద పోలీసులు కేసు నమోదు చేశారు. పోలీసుల అదుపులోనే కిడ్నాపర్లు ఉన్నారు.

బోయిన పల్లిలో సినీ ఫక్కీలో కిడ్నాప్ జరిగింది. అయితే ఈ కేసును పోలీసులు చేధించారు. రాత్రి 7:30 గంటల ప్రాంతంలో ప్రవీణ్ రావు ముగ్గురు సోదరుల కిడ్నాప్‌కు గురయ్యారు. ఐటీ అధికారుల పేరుతో సోదాలు, అరెస్ట్ పేరుతో కిడ్నాపర్లు ఇంట్లోకి ప్రవేశించారు. ఇంట్లో ఉన్నవారిని ఓ గదిలో బంధించారు. ముగ్గుర్ని కూడా కారుల్లో ఎక్కించి తీసుకెళ్లారు. అయితే ఫిర్యాదు అందిన ఆరుగంటల్లో నిందితుల్ని పోలీసులు అరెస్ట్ చేశారు. సిసి కెమెరా ఆధారంగా నిందితులను గుర్తించారు. నేరుగా రంగంలోకి హైదరాబాద్ సిపి అంజనీకుమార్ దిగారు. నగర శివార్లు దాటకముందే కిడ్నాపర్స్ ఎవరో గుర్తించారు పోలీసులు.

పోలీసుల అదుపులో 15మంది నిందితులు ఉన్నారు. కిడ్నాపర్లు ఉపయోగించిన మూడు వాహనాల్ని కూడా స్వాధీనం చేసుకున్నారు. నిందితులు తీసుకెళ్లిన ఫోన్స్, హార్డిస్క్, డాక్యుమెంట్లు కూడా స్వాధీనం చేసుకున్నారు. హఫీజ్ పేట్ 50ఎకరాల భూ వివాదమే కిడ్నాప్ కారణం అని పోలీసులు తేల్చారు. అయితే ఈ భూ వివాదంలో చాల మంది ప్రముఖులు ఉన్నట్లు సమాచారం. ఈ కేసులో భూమా అఖిల ప్రియ భర్త భార్గవరామ్ సోదరుడు చంద్రబోస్ కీలక నిందితుడిగా పోలీసులు గుర్తించారు . ఈ క్రమంలోనే కూకట్‌పల్లి పోలీసులు అఖిలప్రియను అరెస్ట్ చేసినట్లు తెలుస్తోంది.