ఇలా చేస్తే హార్ట్ ఫెయిల్యూర్ జరిగే రిస్క్ తగ్గవచ్చునట!!!

Written by : smtv Desk | Wed, Jan 06, 2021, 05:07 PM

సన్నగా,నాజుకుగా కనిపించాలని కొంతమంది రకరకాల డైట్స్ చేస్తుంటారు. ఈ మద్య బాగా పాపులర్ అయినా డైట్ ప్లాంట్ బేస్డ్ డైట్ ఇది ఆరోగ్యానికి ఎంతో మంచిదని చెబుతున్నారు. కిడ్నీస్, లంగ్స్ బాగా పని చేయడానికీ, జనరల్ హెల్త్ కీ కూడా ఈ డైట్ ఎంతో మేలు చేస్తుందని ప్రపంచవ్యాప్తం గా చేసిన పరిశోధనలు రుజువు చేస్తున్నాయి. ఒక స్టడీలో ఫ్యాట్స్ ఎక్కువ ఉన్న డైట్ తో పోలిస్తే ఈ ప్లాంట్ బేస్డ్ డైట్ వల్ల హార్ట్ ఫెయిల్యూర్ జరిగే రిస్క్ నలభై ఒక్క శాతం తగ్గవచ్చని తెలిసింది.
ఈ పరిశోధన రాండమైజ్డ్ కంట్రోల్ ట్రయల్ ద్వారా జరిగింది. ఇందులో పాల్గొన్న వారిని పదహారు వారాల పాటూ వారు తీసుకునే ఆహారపు అలవాట్లని బేస్ చేసుకుని గమనించారు. ఒక గ్రూప్ వారి డైట్ ఏమీ ఛేంజ్ చేయలేదు కానీ మరొక గ్రూప్ వారికి మాత్రం పండ్లు, కూరగాయలు, పూర్తి ధాన్యాలు, పప్పులు, గింజలు వంటివి ఇచ్చారు. రెండు గ్రూపుల వారూ కూడా ఎలాంటి జీవన శైలి మార్పులూ చేసుకోలేదు, వారి పర్సనల్ ఫిజీషియన్స్ చెబితే తప్ప.
మొదటి గ్రూప్ వారిలో ఎలాంటి చెప్పుకోదగిన మార్పూ కనిపించలేదు కానీ, ప్లాంట్ బేస్డ్ డైట్ తీసుకున్న వారిలో భోజనం తరువాత క్యాలరీలు ఖర్చయ్యే ప్రాసెస్ లో వేగం పెరిగిందని తెలిసింది (సుమారుగా 18.7 శాతం). అదే విధంగా, రెండవ గ్రూప్ వారిలో సగటున 6.4 కేజీల వెయిట్ లాస్ జరిగిందని కూడా తెలిసింది.
భోజనం తరువాత ఎక్కువ క్యాలరీలు ఖర్చు అవ్వటం అనేది లాంగ్ టెర్మ్ లో ఎంతో మేలు చేస్తుంది. అంతే కాక, ఈ డైట్ తీసుకున్న వారి మజిల్ సెల్స్ లో ఫ్యాట్ స్టోర్ అవ్వడం బాగా తగ్గిందని కూడా తెలిసింది. మజిల్ సెల్స్ లో ఫ్యాట్ కీ, టైప్ 2 డయాబెటీస్ కీ లింక్ ఉండవచ్చు.
కేవలం పదహారు వారాలలో ఫ్యాట్ ప్లాంట్ బేస్డ్ డైట్ తీసుకున్న వారి సెల్స్ లో ఫ్యాట్ రెడ్యూస్ అయ్యి వారిలో టైప్ 2 డయాబెటీస్ డెవలప్ అయ్యే ఛాన్స్ తగ్గింది.
పైన పేర్కొన్న వాటి ఆధారంగా మీరు ప్లాంట్ బేస్డ్ డైట్ లోకి మారదల్చుకుంటే మీరు తప్పనిసరిగా తీసుకోవలసిన ఫుడ్స్ ఇవే, ఇవి హెల్దీ లివింగ్ కి ఎంతో ఉపకరిస్తాయి - ఆకు కూరలు, కూర గాయలు, పండ్లు, నట్స్, ఆయిల్ సీడ్స్, పూర్తి ధాన్యాలు, లెగ్యూమ్స్, బీన్స్.