బజాజ్ ఫైనాన్స్ ఆర్‌బీఐ షాక్...భారీ జరిమనా

     Written by : smtv Desk | Wed, Jan 06, 2021, 07:10 PM

బజాజ్ ఫైనాన్స్ ఆర్‌బీఐ షాక్...భారీ జరిమనా

దేశీ కేంద్ర బ్యాంక్ రిజర్వు బ్యాంక్ ఆఫ్ ఇండియా RBI ప్రముఖ నాన్ బ్యాంకింగ్ ఫైనాన్స్ కంపెనీ బజాజ్ ఫైనాన్స్‌కు భరీ షాకిచ్చింది. భారీ జరిమానా విధించింది. బజాజ్ ఫైనాన్స్ ఆర్‌బీఐ నిర్దేశించిన రెగ్యులేటరీ నిబంధనలను అతిక్రమించడం ఇందుకు కారణం.

రిజర్వు బ్యాంక్ తాజాగా బజాజ్ ఫైనాన్స్ కంపెనీపై రూ.2.5 కోట్ల జరిమానా విధించింది. కంపెనీ తన ఔట్‌సోర్సింగ్ ఆఫ్ ఫైనాన్షియల్ సర్వీసెస్‌లో మేనేజింగ్ రిస్క్స్ అండ్ కోడ్ ఆఫ్ కండక్ట్ రూల్స్‌ను అతిక్రమించడం ఇందుకు కారణం. ఇంకా బజాజ్ ఫైనాన్స్ ఫెయిర్ ప్రాక్టీసెస్ కోడ్ నిబంధనలు కూడా అతిక్రమించిందని ఆర్‌బీఐ తెలిపింది.

బజాజ్ ఫైనాన్స్ నిబంధనలను అతిక్రమించడంతో రిజర్వు బ్యాంక్ ఆఫ్ ఇండియా యాక్ట్‌ 1934లోని సెక్షన్ 58 జీ, 58 బీలో ఉన్న పలు సబ్‌సెక్షన్ల కింద బజాజ్ ఫైనాన్స్‌పై జరిమానా విధించామని ఆర్‌బీఐ తెలిపింది. రుణ రికవరీలో భాగంగా రికవరీ ఏజెంట్లు వినియోగదారులను వేధింపులకు, బెదిరింపులకు గురిచేయకుండా చూసుకోవడంలో బజాజ్ ఫైనాన్స్ వైఫల్యాన్ని పరిగణనలోకి తీసుకొని జరిమానా వేశామని వివరించింది. రుణ రికవరీపై కంపెనీపై ఫిర్యాదులు అందుతూనే వస్తున్నాయని తెలిపింది.





Untitled Document
Advertisements